Dziaržsakratar ZŠA Blinkien: Ukraina moža dać Danbasu asablivy status. Ale tolki pry peŭnych umovach
U Vašynhtonie ličać, što Ukraina hatovaja ruchacca napierad u pytańni vykanańnia Mienskich pahadnieńniaŭ, u tym liku i adnosna nadańnia Danbasu asablivaha statusu. Ale tolki tady kali Rasieja vykanaje svaju častku abaviazalnictvaŭ. Pra heta zajaviŭ dziaržaŭny sakratar ZŠA Entani Blinkien padčas sumiesnaha bryfinhu ź vice-prezidentam Jeŭrapiejskaj kamisii Žazepam Barelem, piša UNIAN.
Pa słovach dziaržsakratara ZŠA, kali Rasija surjozna stavicca da vykanańnia «Minskich pahadnieńniaŭ», to jana «znojdzie mocnaha partniora» ŭ asobie krain narmandskaj čaćviorki. Blinkien taksama dapuściŭ, što Danbasu budzie dadzieny asablivy status. Ale dla hetaha musić vykanać pastaŭlenyja joj umovy Rasija.
Blinkien taksama adznačyŭ, što
Ukraina ruchajecca napierad i za hetyja hady vykanała «bolšaść, kali nie ŭsie» ŭmovy Minskich pahadnieńniaŭ. U toj ža čas z boku Rasii nie było praktyčna ničoha zroblena ŭ hetym kirunku.
«U Minskich pahadnieńniach havorka idzie pra asablivy status Danbasa i ja liču, što pry naležnaj čarhovaści dziejańniaŭ ukraincy buduć hatovyja ruchacca napierad», — skazaŭ Blinkien, jašče raz padkreśliŭšy, što mienavita Rasija nie vykonvaje svaje abaviazacielstvy. Heta, u pryvatnaści, viartańnie Ukrainie kantrolu nad miažoj, pytańni biaśpieki i spynieńnie tych eskałacyjnych dziejańniaŭ, jakija praciahvajuć rabić rasijski bok i jahonyja bajeviki.
Čytajcie taksama:
Na sustrečy «narmandskaj čaćviorki» chočuć vyznačyć datu pieramovaŭ Ukrainy z «ŁNR» i «DNR»
David i Halijaf: paraŭnoŭvajem siły rasijskaj i ŭkrainskaj armij
Bajden, Džonsan i lidary krain ES abmierkavali biesprecedentny pakiet sankcyj suprać Rasii
Entani Blinkien: Pierasiačeńnie miažy Ukrainy lubymi rasijskimi ŭzbrojenymi siłami budzie ličycca ŭvarvańniem
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy40
Kamientary