Milinkievič da BNF: Budziecie ahitavać za kandydata, jaki za sajuz z Rasijaj?
Lider ruchu «Za Svabodu» Alaksandr Milinkievič zaklikaje apazicyjnyja siły abjadnacca na asnovie nacyjanalnaj ideałohii. Pra heta jon zajaviŭ na źjeździe Partyi BNF, jaki prachodzić 5 vieraśnia ŭ Minsku.
Hałoŭnaj metaj dziejnaści apazicyi na sučasnym etapie palityk nazvaŭ prychod da ŭłady. «Kali Biełaruś stanie demakratyčnaj, jeŭrapiejskaj, to buduć efiektyŭnaja ekanomika, dabrabyt, adradžeńnie, kultura», — skazaŭ Milinkievič.
Jon vykazaŭ upeŭnienaść u tym, što apazicyja zmoža atrymać «zdolnaha zmahacca za pieramohu kandydata ŭ prezidenty, kali jon abjadnaje vakoł siabie siły, jakija vystupajuć za niezaležnaść, svabodu, jeŭrapiejski šlach raźvićcia».
Milinkievič taksama vykazaŭsia pra inicyjatyvu Abjadnanych demakratyčnych sił (ADS) pa praviadzieńni prajmieryz (papiarednich vybaraŭ, padčas jakich pavinien być vyznačany kandydat u prezidenty ad ADS). Pavodle słoŭ palityka, delehaty źjezda pavinny adkazać sabie na pytańnie: ci zmoža Partyja BNF pahadzicca z tym, što ŭ vyniku hetaj pracedury adzinym kandydatam u prezidenty moža stać čałaviek, jaki vystupaje za pryznańnie niezaležnaści Abchazii i Paŭdniovaj Asiecii, za ŭviadzieńnie rasijskaha rubla i sajuznuju dziaržavu z Rasijaj? [Takija pazicyi raniej ahučvali Siarhiej Kalakin, lider Partyi kamunistaŭ Biełaruskaj, jakaja ŭvachodzić u skład ADS. — BiełaPAN.]
Alaksandr Milinkievič nazvaŭ Partyju BNF «hałoŭnaj nacyjanalna-demakratyčnaj siłaj Biełarusi». Jon padkreśliŭ, što ruch «Za Svabodu» nie kankurent i nie praciŭnik, a partnior Partyi BNF, pierad jakim stajać takija ž zadačy.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach23
Kamientary