Na vajnie va Ukrainie štodnia hinuć 100-200 ukrainskich vajskoŭcaŭ, zajaviŭ daradca kiraŭnika ofisa prezidenta Ukrainy Michaił Padalak u efiry Newshour BBC World Service. Heta samyja vialikija ličby ŭkrainskich strat, apublikavanyja ŭładami Ukrainy za ŭvieś čas vajny.
Jak zajaviŭ Padalak, adna z hałoŭnych pryčyn vialikaj kolkaści strat — adsutnaść parytetu pamiž ukrainskimi i rasijskimi vajskovymi mahčymaściami. Ukrainie treba da 300 rakietnych sistem, kab dasiahnuć parytetu z ahniavoj mahutnaściu Rasii i vyzvalić akupavanuju terytoryju, dadaŭ jon.
Padalak adznačyŭ, što «pakul Rasija nie paciarpić surjoznaje vajskovaje paražeńnie, nijakaja forma dyjałohu nie budzie mahčymaja, i jany (rasijskija vajskoŭcy) buduć praciahvać sprabavać zachapić» častku Ukrainy.
1 červienia prezident Ukrainy Uładzimir Zialenski zajaviŭ, što ŭkrainskaja armija kožny dzień hublaje ŭ bajach 60-100 sałdat zabitymi i 500 paranienymi. Samaja składanaja situacyja, pa jaho słovach, skłałasia na ŭschodzie Ukrainy ŭ Sievieradaniecku i Lisičansku. Na pres-kanfierencyi ŭ traŭni Zialenski taksama kazaŭ, što ŭ bajach na ŭschodzie krainy štodnia hinuć da 100 ukrainskich sałdat.
Učora ministr abarony Alaksandr Reźnikaŭ zajaviŭ, što štodnia hinie kala 100 sałdat, a 500 atrymlivajuć ranieńni.
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach27
Kamientary