Chatnija srodki ad soniečnych apiokaŭ — prostyja i efiektyŭnyja. Adrazu ž pamienšać bol
Leta — heta čas, kali my adpačyvajem i ciešymsia soncu. Jość i zvarotny bok — apioki. Što ź imi rabić? Prapanujem niekalki rašeńniaŭ.
Ludzi z adčuvalnaj skuraj, schilnaj da razdražnieńnia i ludzi sa śvietłaj skuraj padviarhajucca najbolšaj ryzycy soniečnych apiokaŭ. Heta źviazana ź mienšaj kolkaściu miełaninu.
Alej pieračnaj miaty
Heta efiektyŭny srodak ad soniečnych apiokaŭ. Akazvaje supraćzapalenčaje dziejańnie i paskaraje rehienieracyju epidermisu. Dziakujučy ŭtrymańniu mientołu hety pradukt vyklikaje adčuvańnie astudžeńnia i abiazbolvaje padpalenuju skuru.
Dla hetaha dastatkova dźviuch kropiel aleju na pałovu šklanki ciopłaj vady. Pamažcie hetaj sumieśsiu abpalenyja ŭčastki.
Małočnyja pradukty
Kali my zaharajem, kisłotny pH skury parušajecca. A jon abaraniaje skuru ad straty vilhaci i mikraarhanizmaŭ.
U hetym mohuć dapamahčy małočnyja pradukty: kiefir, kisłaje małako, johurt abo pachta. Dziakujučy vysokamu ŭtrymańniu žyvych kultur bakteryj, jany dapamohuć rehienieravać epidermis i adnavić pravilny ŭzrovień pH. Prosta namažcie kiefiram spalenyja plečy ci nakładzicie kisłamałočny kampres.
Soniečny apiok 2-j stupieni. Što ź im rabić?
Uździejańnie sonca moža skončycca nie tolki pačyrvanieńniem skury, ale i źjaŭleńniem balučych puchiroŭ na joj. Ludzi sa śvietłym adcieńniem skury asabliva schilnyja da takich zachvorvańniaŭ. Takija apioki časta supravadžajucca nie tolki bolem, ale i pavyšeńniem tempieratury.
Lepš za ŭsio prakansultavacca ź lekaram. Dla palahčeńnia dyskamfortu možna vykarystoŭvać chatnija srodki, takija, jak kampresy z pachty, kiefiru, naturalnaha johurtu ci soku ałoe viera. Jany supakojvajuć, ŭvilhatniajuć i zmazvajuć skuru.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary