Na kampaniju «Aramis i K» prychodziłasia 90% usiaho ekspartu ŭkrainskaha piva ŭ Biełaruś.
Pryčyna – prablemy, jakija ŭźnikli ŭ biełaruskaha dystrybutera ŭkrainskaha piva – kampanii «Aramis i K», paviedamlaje hazieta «Dieło».
Pa słovach mieniedžera pa eksparcie kampanii «Słavucič Carlsberg Group» Ramana Bondara, apošnija adhruzki piva kampanii ŭ Biełaruś byli ŭ siaredzinie žniŭnia.
Rachunki kampanii «Aramis i K» zabłakavanyja ŭžo bolej za miesiac biełaruskaj finansavaj milicyjaj. Kampanija prypyniła svaju dziejnaść, spyniła vypłatu zarpłaty svaim 250 supracoŭnikam.
Padstavaj dla finansavych pretenzij stali listy biełaruskich orhanaŭ standartyzacyi, jakija znajšli niezakonnym prodaž u Biełarusi piva «Abałoń śvietłaje» ŭ tary, jakaja dapoŭnienaja fantazijnaj nazvaj «Ahniahaśnik».
Na kampaniju «Aramis i K» prychodziłasia 90% usiaho ekspartu ŭkrainskaha piva ŭ Biełaruś.
Takim čynam, praz nakładzienyja štrafnyja sankcyi kampanija «Aramis i K» vymušana była prajści praceduru pierarehistracyi. «Da kanca vieraśnia płanujecca zaviaršyć pieraafarmleńnie ŭsich nieabchodnych dakumientaŭ i atrymańnie patrebnych siertyfikataŭ», — kaža R.Bondar. Pavodle jaho infarmacyi, u kancy vieraśnia pastaŭki musiać adnavicca.
Pa dadzienych Dziaržkamstatu, za 6 miesiacaŭ hetaha hoda ŭ Biełaruś było ekspartavana bolš za 2,2 młn. dał piva. «Letaś «Słavucič Carlsberg Group» pastaviła na rynak našaha susieda 700 tys. dał, u hetym hodzie płanavali pastavić 1 młn, adnak hety pakazčyk, napeŭna, nie budzie dasiahnuty», — prahnazuje R.Bondar. Pavodle jaho słovaŭ, kampanija da kanca hoda płanuje zachavać letašni abjom ekspartu – 700 tys. dał.
75% usiaho ekspartavanaha ŭ Biełaruś ukrainskaha piva prychodzicca na kampaniju «Abałoń».
Kamientary