Intymny pirsinh palapšaje arhazm? Asabisty dośvied dziaŭčyny
Kacia zrabiła prakoł, kali joj było 20. Heta byŭ čas u jaje žyćci, kali ŭ jaje była mocnaja ciaha da pirsinhu. Jana prakołvała ŭsio — ad vušej da saskoŭ, apisvajuć vopyt dziaŭčyny ŭ padkaście pra seks «Paŭhadziny kardyjo».
Paśla Kacia zaŭvažyła, što ŭsie hetyja prakoły byli formaj samapaškodžańnia, kali ty nie zusim va ŭładach z saboj.
Žadańnie palepšyć seksualnaje žyćcio nie było dla jaje pieršasnym, ale dziaŭčyna čuła, što ŭpryhožańnie niejak moža dapamahčy.
Sam pirsinh byŭ vielmi balučym. Kacia kazała, što bolš balučym za hety prakoł u jaje žyćci nie było ničoha. Kali aceńvać ad 0 da 10 i za 10 uziać niedasiahalnuju płanku bolu, to prakoł — heta 9. Ale zahojvałasia ŭsio dastatkova chutka. Dziaŭčyna pierastała adčuvać bol niedzie praź piać dzion.
Pa jaje słovach, efiekt pry seksie jość. Adčuvańni stali bolš intensiŭnymi, arhazm stała atrymać lahčej
«Advał baški! Nibyta ahalilisia niervovyja zadavalnieńni», — tak Kacia apisvaje adčuvańni.
Parniory na jaje pirsinh narmalna reahujuć, a voś hiniekołahi pastajanna robiać zaŭvahi.
Dziaŭčyna papiaredžvaje, što intymny pirsinh — heta nie dla ŭsich. Kali vy vielmi pieražyvajecie za svajo zdaroŭje, ciažka pieranosicie bol, majecie strach pierad inšarodnymi pradmietami ŭ ciele, to lepš prakoł nie rabić. Bo psichiłahičny dyskamfort budzie pieravyšać plusy.
Całkam vypusk padkasta, temaj jakoha staŭ žanočy arhazm, možna pahladzieć pa spasyłcy.
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary