Z valjera ŭ Viciebskim rajonie vypuścili ŭ pryrodu 40 vysakarodnych aleniaŭ
U Letčanskim laśnictvie Viciebskaha lashasa siońnia mieli vypuścić na volu amal 40 vysakarodnych aleniaŭ, paviedamiła BiełTA.
U listapadzie minułaha hoda ŭ Letčanskaje laśnictva ŭpieršyniu zavieźli 35 asobin vysakarodnaha alenia. Siarod ich było 9 samcoŭ i 26 samak. Ich zakupili ŭ zavodčyka ŭ Miorskim rajonie. Dla zamacavańnia na miescy maładomu statku vydzielili «žyłpłošču», dzie aleniam było kamfortna i prastorna. Tut rahatych pierasialencaŭ pieryjadyčna padkormlivali zbožžam i sienam. Kantakt z čałaviekam imknulisia minimizavać, kab aleni nie stali ručnymi.
Siońnia statak, jaki za hety čas papoŭniŭsia tryma małymi alenianiatami, vypuścili na volu.
Darosłyja i asabliva maładyja asobiny, jakija pryvykli da hetaj miascovaści, nie adyduć daloka ad novaha areała i majuć zaniać svaju nišu ŭ miascovaj dzikaj pryrodzie. Dla ich rabotniki laśnictva na zimovy pieryjad ustanoviać karmuški i buduć pieryjadyčna kłaści tudy korm.
Usiaho ŭ Viciebskaj vobłaści, pavodle źviestak viasnovaha ŭliku, naličvajecca 7,3 tys. asobin vysakarodnaha alenia, bolš za 13,3 tys. łasioŭ i 20,6 tys. kazul.
Jak raskazaŭ viadučy inžynier pa palaŭničaj haspadarcy Viciebskaha dziaržaŭnaha vytvorčaha lesahaspadarčaha abjadnańnia Dźmitryj Dzikovič, u paŭnočnym rehijonie ŭ pierśpiektyvie płanujuć zraŭniać pahałoŭje aleniaŭ i łasioŭ. Heta dapamoža pašyryć vidavuju raznastajnaść žyvioł u lasach Viciebščyny i budzie sadziejničać raźvićciu palaŭničaha turyzmu.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty15
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary
- Ciahajem łaniaŭ i polskich konikaŭ, a našych paleskich konikaŭ zastałosia mienš za 100 asobin.... Dy i tradycyjnaja biełaruskaja čyrvonaja karova, pra jakuju pisaŭ jašče Arkadź Smolič, moža źniknuć.
Było b dobra pa prykładzie Brytanii stvaryć u nas anałah RBST (Fond abaryhiennych porod Vialikabrytanii) dla zachavańnia tradycyjnych dla Biełarusi abaryhiennych parod i ich unikalnaha hienatypu.