Borys Džonsan nie vierniecca na pasadu premjer-ministra Vialikabrytanii
Jon admoviŭsia ad vyłučeńnia svajoj kandydatury na pasadu lidara Kansiervatyŭnaj partyi. Heta aznačaje, što nastupnym premjeram Vialikabrytanii chutčej za ŭsio budzie Ryšy Sunak, piša Jeŭrańjus.
Džonsan, jaki zajmaŭ pasadu premjera da pačatku vieraśnia, zajaviŭ, što ŭ jaho była nieabchodnaja padtrymka 100 členaŭ kansiervatyŭnaj frakcyi ŭ Pałacie hramad, ale dla viartańnia «čas nieprydatny». Jon patłumačyŭ heta tym, što ŭ partyi ŭ jaho šmat apanientaŭ, a biez adzinstva ŭ šerahach frakcyi efiektyŭna kiravać krainaj niemahčyma.
U baraćbie za pasadu lidara partyi zastajucca Ryšy Sunak, jaki byŭ ministram finansaŭ ź lutaha 2020 da lipienia 2022 hoda, i Pieni Mordent, jakoj, chutčej za ŭsio, nie chapaje nieabchodnaj kolkaści naminacyj — na viečar niadzieli jaje publična padtrymlivali 25 čałaviek.
Kali da 14:00 pa miascovym časie ŭ paniadziełak nichto, akramia Sunaka, nie nabiare minimum 100 naminacyj deputataŭ, to jon stanie lidaram partyi aŭtamatyčna, a ź piatnicy źmienić Liz Tras, jakaja padała ŭ adstaŭku.
Kamientary