Ён адмовіўся ад вылучэння сваёй кандыдатуры на пасаду лідара Кансерватыўнай партыі. Гэта азначае, што наступным прэм'ерам Вялікабрытаніі хутчэй за ўсё будзе Рышы Сунак, піша Еўраньюс.
Джонсан, які займаў пасаду прэм'ера да пачатку верасня, заявіў, што ў яго была неабходная падтрымка 100 членаў кансерватыўнай фракцыі ў Палаце грамад, але для вяртання «час непрыдатны». Ён патлумачыў гэта тым, што ў партыі ў яго шмат апанентаў, а без адзінства ў шэрагах фракцыі эфектыўна кіраваць краінай немагчыма.
У барацьбе за пасаду лідара партыі застаюцца Рышы Сунак, які быў міністрам фінансаў з лютага 2020 да ліпеня 2022 года, і Пені Мордэнт, якой, хутчэй за ўсё, не хапае неабходнай колькасці намінацый — на вечар нядзелі яе публічна падтрымлівалі 25 чалавек.
Калі да 14:00 па мясцовым часе ў панядзелак ніхто, акрамя Сунака, не набярэ мінімум 100 намінацый дэпутатаў, то ён стане лідарам партыі аўтаматычна, а з пятніцы зменіць Ліз Трас, якая падала ў адстаўку.
Каментары