Pra toje, što niekalki dziasiatkaŭ adzinak vajskovaj techniki z Rasii 10 lutaha pieradali bresckim desantnikam, paviedamiŭ u telehram-kanale staršynia Bresckaha harvykankama Alaksandr Rahačuk.
«Siońnia pad kiraŭnictvam kamandujučaha siłami śpiecyjalnych apieracyj hienierał-majora Vadzima Dzienisienki na placy 38-j asobnaj hvardziejskaj desantna-šturmavoj bryhady adnamu ź jaje padraździaleńniaŭ było pieradadziena bolš za 40 adzinak novaj vajskovaj i śpiecyjalnaj techniki», — paviedamiŭ staršynia Bresckaha harvykankama.
Siarod pieradadzienaj u Brest techniki nastupnaja:
- BTR-82A (Heta madyfikacyja BTR-82 z 30-mm harmataj 2a72);
- BTR-80BMM «Simfonija» (Heta mašyna pryznačanaja dla vyrašeńnia zadač pa pošuku, zboru i evakuacyi paranienych);
- braniavanaja ramontna-evakuacyjnaja mašyna, jakaja słužyć dla evakuacyi paškodžanych mašyn.
Technika vyrablenaja na Kurhanskim zavodzie ŭ Rasii, ale srodki suviazi na joj, jak śćviardžaje Rahačuk, biełaruskija. Zaraz bresckija desantniki da kanca sakavika buduć vučycca joj karystacca.
Čytajcie taksama:
Biełaruski Hajun: Rasija źniała 12 viertalotaŭ ź miažy Biełarusi i Ukrainy
Brytanskaja raźviedka: Najnoŭšyja rasijskija tanki «Armata» niebajazdolnyja
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ112
Kamientary