Na 86-m hodzie žyćcia pamior Jan Syčeŭski, viadomy dziejač biełaruskaj mienšaści ŭ Polščy, paviedamlaje Radyjo Racyja.
Jan Syčeŭski naradziŭsia 26 sakavika 1937 hoda ŭ vioscy Stryki Bielskaha pavieta. U 1967 hodzie skončyŭ humanistyčny fakultet Hdańskaha ŭniviersiteta.
Bolš za 30 hadoŭ, z 1991 pa 2022 hod, Jan Syčeŭski byŭ staršynioj Biełaruskaha hramadska-kulturnaha tavarystva ŭ Polščy, najstarejšaj ź biełaruskich arhanizacyj, što dziejničajuć u sučasnaj polskaj dziaržavie. Hetaja arhanizacyja była stvoranaja jašče ŭ 1956 hodzie dla pradstaŭleńnia intaresaŭ biełaruskaj mienšaści ŭ Polščy pry kamunistyčnym režymie. Paśla krachu hetaha režymu ŭ jaje šerahach hurtavalisia pieradusim ludzi, jakija adčuvali nastalhiju pa starych časach.
Jan Syčeŭski ŭžo va ŭmovach niekamunistyčnaj Polščy byŭ deputatam polskaha Siejma III sklikańnia ŭ 1997—2001 hadach ad błoka Sajuz demakratyčnaj levicy (abrany ŭ Biełastoku), z 2002 pa 2014 hod — deputatam Padlašskaha siejmika (da 2006 hoda vice-maršałak).
U Biełarusi Syčeŭski byŭ viadomy pieradusim tym, što zaŭsiody łajalna staviŭsia da režymu Łukašenki i pa mahčymaści demanstravaŭ jamu padtrymku. Pačynajučy z 1990-ch jon udzielničaŭ va Usiebiełaruskich narodnych schodach jak pradstaŭnik biełarusaŭ z Polščy i navat vystupaŭ na ich, chvalačy biełaruskija ŭłady. U 1996 hodzie byŭ navat uznaharodžany miedalom Francyska Skaryny.
-
Rasijanina zatrymali na miažy Biełarusi ź Litvoj z hruzam vintažnaha posudu
-
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
-
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary