U asnoŭny konkurs Vieniecyjanskaha kinafiestyvalu trapiła stužka pra mihracyjny kryzis na biełaruska-polskaj miažy
«Zialonaja miaža» — takuju nazvu maje stužka słynnaj polskaj režysiorki Ahnieški Chołand, u fokusie ŭvahi jakoj — kryzisnaja situacyja ź mihrantami na biełaruska-polskaj miažy. Poŭnamietražnaja ihravaja karcina češska-polska-bielhijskaj vytvorčaści była adabrana ŭ asnoŭny konkurs Vieniecyjanskaha kinafiestyvalu — siońnia viadomy kinaforum abjaviŭ svaju prahramu, piša Reform.by.
«Zialonaja miaža» — siarod dvaccaci troch udzielnikaŭ asnoŭnaj prahramy. Hety film raspaviadaje historyju siamji siryjskich biežancaŭ, adzinokaj nastaŭnicy anhlijskaj movy z Afhanistana i maładoha pamiežnika, jakija sustrakajucca na polska-biełaruskaj miažy padčas mihranckaha kryzisu, spravakavanaha Łukašenkam na biełaruska-polskaj miažy
Scenar karciny, aŭtarami jakoha źjaŭlajucca Ahnieška Chołand, Habryeła Łazarkievič-Siecka i Maciej Pisuk, nie prosta natchniony realnymi padziejami. «Daśledavańni dla filma ŭklučali sotni hadzin analizu dakumientaŭ, intervju ź biežancami, pamiežnikami, žycharami pamiežža, aktyvistami i ekśpiertami», — adznačaje Variety.
Asnoŭnyja zdymki karciny adbyvalisia ŭ Polščy.
Ahnieška Chołand — słynnaja polskaja režysiorka i scenarystka, aŭtarka takich karcin, jak «Śled źviera», «U zmroku», «Pierapisvajučy Bietchoviena», «Poŭnaje zaćmieńnie» dy inšych, viadomaja svajoj bieskampramisnaj hramadzianskaj pazicyjaj.
Siarod udzielnikaŭ asnoŭnaha konkursu Vieniecyjanskaha kinafiestyvalu taksama filmy: Safii Kopały — «Pryscyła», Matea Haronie — «Ja kapitan», Devida Finčara — «Zabojca», Jorhasa Łancimasa — «Biednyja rečy», Riusukie Chamahučy — «Djabał nie isnuje», Luka Biesona — «Dogman» Luka Biesona i inšych aŭtaraŭ.
80-y Vieniecyjanski kinafiestyval adbudziecca sioleta z 30 žniŭnia da 9 vieraśnia.
«Usie bačyli, što jamu padabajecca Nataša, i dumali: «Nu kali vy ŭžo?!» Były palitviazień Łukša raskazaŭ pra svaje adnosiny z Ejsmantami8
Kamientary