Bolšaść zajaŭnikaŭ zachacieli vykarystać srodki «Siamiejnaha kapitału» daterminova
U Biełarusi bolš za 73 tys. zajaŭnikaŭ daterminova vykarystoŭvali srodki pa prahramie «Siamiejny kapitał» dla šmatdzietnych siemjaŭ. Pra heta paviedamili ŭ pres-słužbie Ministerstva pracy i sacyjalnaj abarony.
Stanam na 1 žniŭnia było adkryta 82,6 tys. depazitnych rachunkaŭ na 826 młn dalaraŭ i 46,3 tys. — na 1,1 młrd rubloŭ.
Daterminova vykarystać srodki siamiejnaha kapitału pažadali 73 675 zajaŭnikaŭ. Bolšaść chacieli nakiravać ich na palapšeńnie žyllovych umoŭ — 61 266 zajaŭnikaŭ. Na atrymańnie miedycynskich pasłuh było napisana 7664 zajavy, atrymańnie adukacyi — 4740 zajaŭ, nabyćcio tavaraŭ dla invalidaŭ — 5.
Usiaho było pryniata 71 306 rašeńniaŭ ab daterminovym rasparadžeńni srodkami siamiejnaha kapitału: Bresckaja vobłaść — 15 220, Viciebskaja — 6934, Homielskaja vobłaść — 11 460, Hrodzienskaja vobłaść — 8563, Minskaja — 12 329, Mahiloŭskaja — 7285, Minsk — 9515.
U Minpracy nahadali, što siamiejny kapitał pryznačajecca šmatdzietnym siemjam pry naradžeńni (usynaŭleńni, udačareńni) treciaha abo nastupnaha dziciaci. Pry hetym pamier siamiejnaha kapitału na dziaciej, jakija naradzilisia (byli ŭsynoŭlenyja ci ŭdačaronyja) z 1 studzienia da 31 śniežnia 2023 hoda, składaje 29 950 rubloŭ.
«Papularyzacyja biaździetnych par pavinna spyniacca». Čynoŭniki i siłaviki kinulisia ŭhavorvać biełarusaŭ bolš naradžać — jak heta vyhladała
Dzie lepš žyć u Biełarusi? Daśledčyki skłali rejtynh biełaruskich haradoŭ
Mietamarfozy jeŭrapiejskaha hramadstva — na jakija vysnovy naviali daśledčyka mihranty i vinahradniki
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro5
Kamientary