Sud dakazaŭ piać epizodaŭ złačynstvaŭ, ździejśnienych u 2005, 2006 i 2008 hadach.
Trynaccać hadoŭ u kałonii pavinien adsiadzieć 39-hadovy maładziečaniec Dźmitry C.,
jakoha sud Vilejskaha rajona pryznaŭ vinavatym u hvałtoŭnych seksualnych dziejańniach z maleńkimi dziaŭčynkami ŭ Vilejcy i Smarhoni.
Sud dakazaŭ piać epizodaŭ złačynstvaŭ, ździejśnienych u 2005, 2006 i 2008 hadach.
Pryhavor byŭ vyniesieny 19 kastryčnika. Asudžany abskardziŭ jaho ŭ sud Minskaj vobłaści. Vyšejšaja sudovaja instancyja pakinuła pryhavor bieź źmianieńniaŭ, i 27 listapada jon ustupiŭ u zakonnuju siłu.
Złačynstvy byli raskrytyja padčas rasśledavańnia zhvałtavańnia i zabojstva maładziečanskaj dzieviacikłaśnicy ŭ červieni 2009 hoda la čyhunačnaha prypynku «Fiestyvalny». Dźmitry nie maje adnosinaŭ da taho zdareńnia, a praviedzienaje rasśledavańnie dakazała, što svaje złačynstvy jon ździajśniaŭ u padjezdach šmatkvaternych damoŭ.
Pieršaj paciarpieła siamihadovaja dziaŭčynka na vulicy Kamarova ŭ Vilejcy 19 maja 2005 hoda.Druhoj achviaraj złačyncy stała piacihadovaja dziaŭčynka.
Jaje Dźmitry damahaŭsia 19 červienia 2005 hoda ŭ Vilejcy na vulicy Kastryčnickaj.
Nastupnaje złačynstva – 3 lipienia 2006 hoda ŭ Smarhoni na vulicy Čapajeva.
Tady paciarpieła šaścihadovaja dziaŭčynka.
U Vilejku mańjak viarnuŭsia 17 lipienia 2006 hoda.
Na vulicy 1 Maja jaho achviary było siem hadoŭ.
Apošniaje, piataje złačynstva, Dźmitry ździejśniŭ 9 sakavika 2008 hoda ŭ Smarhoni na vulicy Pahraničnikaŭ.
Paciarpiełaj dziaŭčyncy było šeść hadoŭ.
Zatrymali Dźmitryja ŭ červieni 2009 hoda. Abvinavačańnie pradjavili pa treciaj častcy 167 artykuła Kryminalnaha kodeksa – «hvałtoŭnyja dziejańni seksualnaha charaktaru, ździejśnienyja ŭ adnosinach da zaviedama małaletnich».
Zhodna z praviedzienaj psichijatryčnaj ekśpiertyzaj, mužčyna znachodzicca ŭ stanie śviadomaści, ale pakutuje ad seksualnaha rasstrojstva – piedafilii.
Na sudzie abvinavačany całkam pryznaŭ svaju vinu. Akramia pryznańnia, vinu paćvierdzili śviedki, jakija bačyli Dźmitryja na vulicach Vilejki i Smarhoni ŭ čas, kali byli ździejśnienyja złačynstvy.
Adbyvać pakarańnie Dźmitry budzie ŭ kałonii va ŭmovach uzmocnienaha režymu.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie3
Kamientary