Mazyrski pravaabaronca prosić zabaranić eŭtanaziju badziažnych žyvioł
Zajavu na adras prakurora Mazyrskaha rajona 11 śniežnia nakiravaŭ miascovy pravaabaronca Pavieł Nazdra.
Jak paviedamiŭ Nazdra, u zajavie ŭtrymlivajecca prośba vynieści pastanovu ab zabaronie adłovu i eŭtanazii bieznahladnych žyvioł u suviazi sa šmatlikimi parušeńniami.
Svaje dovady pravaabaronca hruntuje na Praviłach adłovu bieznahladnych žyvioł, jakija, pavodle jaho mierkavańnia, byli parušanyja kamunalnymi słužbami.
Pavieł Nazdra ŭkazvaje, što zakon pradpisvaje rabić adłoŭ biazdomnych sabak i katoŭ tolki pa zajaŭkach zacikaŭlenych arhanizacyj. Aktyvist śćviardžaje, što heta praviła nie vykonvajecca.
Taksama nie robicca papiaredniaje infarmavańnie nasielnictva ab adłovie, što rychtujecca.
Admianić eŭtanaziju žyvioł pravaabaronca prosić na toj padstavie, što ŭmiarćvieńnie robicca elektratokam, a nie chimičnymi i farmakałahičnymi srodkami, jak heta ahavorana ŭ zakonie.
Sumiesna z hramadskaj arhanizacyjaj «Viernyja siabry» Pavieł Nazdra damahaŭsia adkryćcia ŭ Mazyry prytułku dla bieznahladnych žyvioł. Pa ŭkazańni Homielskaha abłvykankama, kudy skardziŭsia aktyvist, miascovyja ŭłady vykanali heta patrabavańnie.
Adnak pravaabaronca śćviardžaje, što ŭ prytułku, jaki adkryŭsia, žyvioł utrymlivajuć u antyhumannych umovach i drenna kormiać. Razabracca z hetaj situacyjaj Pavieł Nazdra taksama prosić prakurora rajona.
Ciapier čytajuć
Marata Markava pierasunuli z pasady ministra infarmacyi ŭ ministry kultury26
Kamientary