Расійскія рэаліі: генпракурор прыйшоў у парламент і арыштаваў сенатара за арганізацыю забойства
Калісьці гэты сенатар Дзмітрый Савельеў ствараў Партыю правоў чалавека, а цяпер папрасіў забіць у турме свайго былога бізнэс-партнёра.
Шараговае паседжанне расійскага Савета Федэрацыі падыходзіла да свайго завяршэння, з чымсьці віншавалі спікерку Валянціну Мацвіенка, як раптам у залу зайшоў генеральны пракурор Расіі Ігар Красноў. У гэты момант трансляцыя абарвалася, але пачалося шоу.
Красноў звярнуўся да сенатараў з просьбай зняць недатыкальнасць з сенатара Дзмітрыя Савельева. Пачуўшы гэта, Савельеў рвануў на выхад, але прадказальна далёка не ўцёк. Сілавікі затрымалі яго.
Як выявілася, Савельева абвінавачваюць у спробе заказнога забойства. Яго бізнэс-партнёр Іёнаў растраціў сродкі іх нафтавай кампаніі і трапіў за краты. Але сенатар палічыў, што пакаранне недастатковае, і вырашыў забіць яго ў турме. Сенатар знайшоў былога супрацоўніка Федэральнай службы выканання пакарання, які пагадзіўся выканаць замову за $100 тысяч. Аднак той перадумаў і прыйшоў у ФСБ.
Забойства Іёнава інсцэніравалі — Савельеву паказалі карту выкліку хуткай дапамогі і дакумент аб смерці партнёра. Калі памочнік сенатара перадаў грошы кілеру, усіх удзельнікаў схемы арыштавалі.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары