Va Ukrainie zafiksavali mocnaje zabrudžańnie raki, jakaja ciače z Rasii
Dniami Dziaržaŭnaje ahienctva mielijaracyi i rybnaj haspadarki Ukrainy zafiksavała ŭ race Siejm na terytoryi Sumskaj i Čarnihaŭskaj vobłaści značnaje pieravyšeńnie hranična dapuščalnych kancentracyj zabrudžvalnych rečyvaŭ. Vytoki hetaj raki znachodziacca ŭ Rasii i vyhladaje, što krynica prablemy taksama tam, piša «RBK-Ukraina».
«Hetaja arhanika sapraŭdy trapiła da nas z terytoryi RF. Pakolki ŭ nas niama ŭzajemaabmienu infarmacyjaj z krainaj-ahresaram, to skazać ci było heta naŭmysna, ci niejkaja avaryja — ciažka», — zajaviŭ pieršy namieśnik ministra achovy navakolnaha asiarodździa Ukrainy Alaksandr Krasnałucki ŭ efiry nacyjanalnaha telemarafona.
Jon zaŭvažyŭ, što zabrudžvańnie adbyłosia ź niejkaha zavoda. Z najaŭnaj infarmacyi padobna, pavodle słoŭ čynoŭnika, što krynicaj zabrudžvańnia moh stać śpirtzavod abo inšaje pradpryjemstva, jakoje znachodzicca na terytoryi Rasii.
«My možam kanstatavać, što zabrudžvańnia chimičnymi i taksičnymi rečyvami niama. Jość tolki zabrudžvańnie arhaničnymi rečyvami», — padkreśliŭ Krasnałucki.
Raka Siejm na ŭkrainskim učastku zabrudžanaja całkam, a plama atrutnych rečyvaŭ dasiahnuła raki Dziasny.
Kamientary
miasakambinat?