Paśla skančeńnia pracy XIII źjezda Abjadnanaj hramadzianskaj partyi na pytańni «Našaj Nivy» adkazaŭ jaje staršynia Anatol Labiedźka.
Paśla skančeńnia pracy XIII źjezda Abjadnanaj hramadzianskaj partyi na pytańni «Našaj Nivy» adkazaŭ jaje staršynia Anatol Labiedźka.
«Naša Niva»: Jak Vam źjezd?
Anatol Labiedźka: Narmalna. Jon mianie nie rasčaravaŭ.
«NN»: A rašeńnie nakont udziełu ŭ miascovych vybarach? Jano dosyć pałavinčataje. Z adnaho boku partyja zdymajecca z vybaraŭ, ale asobnyja siabry arhanizacyi mohuć praciahvać kampaniju.
AŁ: Ničoha dvuchsensoŭnaha ŭ hetym rašeńni niama. AHP jak palityčnaja arhanizacyja vychodzić z vybaraŭ. Jak vychodzić i kali vychodzić heta ŭžo inšaje pytańnie. Ale na siońnia partyja abviaściła demarš miascovym vybaram. Heta reakcyja na tyja pracesy, što adbyvajucca ŭ krainie napiaredadni ich praviadziańnia, a najpierš nie ŭklučeńnie siabroŭ apazicyjnych palityčnych partyj u skład vybarčych kamisii. Hetym samym my zmahajemsia za źmianieńnie praviadzieńnia prezidenckaj kampanii. Siabry AHP mohuć paŭdzielničać u vybarach jak pryvatnyja asoby, ale nijakaha partyjnaha śpisa, ci padtrymki partyi nie budzie. Liču, heta absalutna narmalnym.
«NN»: Toje, što Vas abirali na biezalternatyŭnaj asnovie, nie zasmuciła?
AŁ: Heta padajecca na pavierchi, što na biezalternatyŭnaj. Apošnija dva miesiacy ŭnutry partyja viałasia peŭnaja praca. Heta byli miarzotnyja dziejańni, jakija bolš charakternyja pradstaŭnikam ułady, a nie demakratyčnaj apazicyi. Ale siudy byli zamiašanyja i našy partyjcy, i siabry inšych arhanizacyj. Ja zaŭsiody vystupaju za adkrytuju kankurencyju. Ja byŭ by tolki rady, kab była stvoranaja alternatyŭnaja kamanda, jakaja b udzielničała ŭ schodam pierad źjedam, viała b sumlennaje zmahańnie. Dziejańnie ž peŭnych asob sumlennymi ja nie nazavu. Ciapier my majem dobruju kamandu, jakaja moža vyłučać staršyniu partyi (nieabaviazkova Labiedźku), kandydata ŭ prezidenty (nieabaviazkova Labiedźku). Na siońnia ja navat nie staršynia partyi, a antykryzisny mieniedžer.
«NN»: Užo pa abrańni Vy skazali, što ciapier majecie prava nie padavać ruku niekatorym apazicyjanieram. Dyk kamu?
AŁ: Sačycie, kamu nie padam ruki. Heta i budzie adkaz na vašaje pytańnie.
«NN»: Vialikaje pradstaŭnictva moładzi ŭ Nacyjanalnym kamitecie AHP raduje?
AŁ: Heta dobra. Jašče lepš budzie, kali moładź voźmie sabie kankretny kavałak pracy i adkaznaści. Heta i budzie pierajemnaść pakaleńniaŭ. Dobra, kali znojducca tyja, što zamieniać Bahdankieviča, Dabravolskaha, Šłyndzikava, Labiedźku.
«NN»: Čamu tak mała havaryli pra vybary prezidenckija?
AŁ: Možna skazać, što my nie zusim padrychtavanyja. Nielha havaryć pra niejkuju padrychtoŭku, kali hetym zajmajecca tolki adna palityčnaja struktura. Nami była raspracavanaja ideja «prajmieryz», ale jana faktyčna pravaliłasia. Prajhraŭ ja, prajhrała naša kamanda. My mahli b siońnia praśpiavać pra ŭdzieł u vybarach, nazvać svajho kandydata. Ale što dalej? Heta niesurjozna, pakul niama bolš šyrokaj kaalicyi.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary