Terarysty z Damadziedava vykarystoŭvali videahulniu Call of Duty jak madel dla napadu?
Scenu, padobnuju da teraktu ŭ Damadziedavie, znajšli ŭ epizodzie, zabaronienym da relizu ŭ Rasii.
Scenu, padobnuju da teraktu ŭ Damadziedavie, znajšli ŭ epizodzie, zabaronienym da relizu ŭ Rasii.
Telekanał Russia Today zaŭvažyŭ padabienstva sceny teraktu ŭ maskoŭskim aeraporcie «Damadziedava» ź videašeraham adnaho z epizodaŭ skandalnaj hulni Call of Duty: Modern Warfare 2.
Apytanyja telekanałam śpiecyjalisty nie vyklučyli, što terarysty mohuć vykarystać videahulni jak madel dla svaich napadaŭ.
Videakadry ź miesca vybuchu padobnyja, jak ličyć telekanał, da videašerahu Call of Duty, dziejańnie jakoj razhortvajecca ŭ rasijskim aeraporcie (virtualny anałah adnaho z terminałaŭ «Šaramiećjeva»). Pa siužecie, terarysty ładziać tam «kryvavuju łaźniu», rasstrelvajučy naprava i naleva mirnych hramadzian. Potym ich mišeńniu robicca prybyły pa tryvozie śpiecnaz FSB.
Hulnia była vypuščanaja amierykanskaj kampanijaj Activision u listapadzie 2009 hoda i zrabiłasia supierpapularnaj. U licenzijnaj rasijskaj viersii hulni skandalnaja misija No Russian adsutničaje, adnak spampavać jaje pirackuju viersiju niaciažka.
Jak adznačajuć žurnalisty RT, prosty nabor u pošuku YouTube vydaje mnostva spasyłak, jakija, miarkujučy pa ličylnikach pad imi, prahledzieli sotni tysiač ludziej. Adna naohuł nabrała zvyš miljona prahladaŭ.
Amierykanski navukoviec livanskaha pachodžańnia, ekśpiert pa mižnarodnym teraryźmie Valid Fares ličyć, što
džychadzisty, siabry«Al-Kaidy» i inšyja radykały całkam mohuć vykarystoŭvać takija videahulni jak svajho kštałtu «trenirovačnuju placoŭku».
Časopis «Viebpłanieta» adznačaje, što na «pradkazańnie» teraktu ŭ aeraporcie «Damadziedava», jakoje nibyta prysutničaje ŭ hulniavym epizodzie Call of Duty, pieršymi źviarnuli ŭvahu hiejmiery. Zrešty, jany ŭsiaho tolki adznačyli padabienstva miesca dziejańnia, a rasijskija ŚMI «padchapili hetuju ideju i surjejozna šukajuć suviaź pamiž zadumaj realnych terarystaŭ i scenaram antyhumanistyčnaj stralałki», piša vydańnie.
Jano nahadvaje, što rasijskija ŭłady ŭhledzieli «antyrasijskaść» Call of Duty: Modern Warfare 2 adrazu paśla vypusku hulni. «Viebpłanieta» zaŭvažaje pry hetym, što rasijskija ŭłady nie vystupajuć suprać hvałtu ŭ hulniach jak takoha, prapanoŭvajučy dla prykładu ŭspomnić patryjatyčnuju sahu pra bajca śpiecnaza.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami49
Kamientary