Pomnik architektury
Ciapier śpiecyjalisty zajmajucca vysokamastackimi restaŭracyjnymi rabotami — adździełkaj interjeraŭ (lepka, pazałota). Płanujecca, što zamak budzie ŭviedzieny ŭ ekspłuatacyju ŭ pačatku lipienia: jon poŭnaściu adkryjecca dla turystaŭ, budzie sfarmiravana muziejnaja ekspazicyja. I choć u biahučym hodzie zavieršacca asnoŭnyja raboty, nie vyklučana, što asobnyja raboty pa restaŭracyi, jakija patrabujuć asablivaj uvahi (naprykład, adnaŭleńnie fresak i kominaŭ), pradoŭžacca paśla 2011 hoda. «Ciapier vyrašajecca pytańnie ab tym, jakija mienavita pamiaškańni buduć uviedzieny ŭ ekspłuatacyju ŭ pieršuju čarhu», — rastłumačyli ŭ Ministerstvie kultury.
Akramia taho, zavieršana budaŭnictva apartamientnaj častki Niaśvižskaha zamka: haścinica, kafe i restaran hatovy prymać naviedvalnikaŭ, adnak aficyjna pačnuć pracavać z adkryćciom Niaśvižskaha zamka.
Niaśvižski zamak byŭ zakładzieny Radziviłam Sirotkam u 1583 hodzie, hałoŭnym architektaram staŭ italjanski majstar Biernardoni. Zhodna z prajektam taho času, zamak ujaŭlaŭ saboj pramavuholnik i byŭ abniesieny ziemlanymi vałami z bastyjonami i viežami. Niaśvižski zamak budavaŭsia ŭ pieršuju čarhu jak abarončaje zbudavańnie, jakoje moža vytrymlivać praciahłuju abłohu. U vale, jaki jaho akružaŭ, byli zrobleny šmatlikija pamiaškańni dla słuh i haspadarčyja składy, tut taksama raźmiaščalisia kaniušni. Jak adznačajuć śpiecyjalisty, pałac cikavy nie tolki svaimi naziemnymi zbudavańniami, ale i šmatlikimi padvałami, padziamiellami, sklepami.
-
Draŭlany kanstruktyvizm pad koŭš: u Hrodnie źniščyli adzin histaryčny dom i ŭzialisia za druhi
-
Hledačy Teatra lalek sychodziać, nie dahledzieŭšy śpiektakl. Čamu?
-
«Svaje — heta słova, jakoje dla mianie vyznačaje teatr». Vialikaja hutarka z akcioram Michasiom Zujem pra scenu, kamandu i teatr u emihracyi
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary