«Małady front» pačynaje kampaniju «Chopić karmić režym»
Pra heta paviedamiła namieśnik staršyni arhanizacyi Nasta Pałažanka.
Pavodle jaje słoŭ, aktyvisty «Maładoha frontu» buduć analizavać vypadki, kali «biełarusy prosta ad dobraj dušy spansujuć biełaruskija ŭłady na miljony, a byvaje i miljardy dołaraŭ». Adpaviedna, na takija fakty budzie źviernuta ŭvaha.
Jak adznačyła Pałažanka, pieršym vypadkam takoj «dapamohi» źjaŭlajecca płata za radyjokropki, jakija znachodziacca ŭ kožnaj kvatery. «Ich słuchajuć adzinki, ale płaciać usie», — dadała jana.
«Jak paviedamiŭ u intervju „Jeŭraradyjo“ Mikałaj Važnik, namieśnik načalnika pa ekspłuatacyi Biełaruskaha radyjotelevizijnaha pieradavalnaha centra, pa krainie 1 miljon 200 tysiač radyjokropak. Plus „biełtelekamaŭskich“ krychu bolš — 1 miljon 375 tysiač.
Kali skłaści, to atrymlivajecca dzieści 2,5 miljona na 10 miljonaŭ nasielnictva.My rehularna addajem dziaržavie bolš za 800 rubloŭ za radyjokropku — mienavita takaja suma prychodzić nam u „žyroŭkach“ štomiesiac. Pa siońniašnim kursie dołara atrymlivajecca, što za hetuju pasłuhu, jakoj my nie karystajemsia, my płacim 3 miljony dołaraŭ na hod. Jašče niekalki miesiacaŭ tamu, kali aficyjny kurs dołara byŭ 3 tysiačy rubloŭ, a pasłuha kaštavała tyja ž 800 ź liškam rubloŭ, prybytak pieradavalnaha centra składaŭ dzieści 8,5 miljona dołaraŭ na hod», — padličyła Pałažanka.
Spasyłajučysia na słovy Važnika, jana taksama paviedamiła, što najbližejšym časam płata za radyjokropku budzie pavialičana.
«Jość mahčymaść absalutna lehalna adklučycca ad radyjokropki. Dastatkova napisać zajavu z admovaj biez ukazańnia pryčyn, źviarnucca ŭ miascovy centr i vyklučyć hetu pasłuhu», — skazała Pałažanka.
Pavodle jaje słoŭ, u dalejšym mahčymyja kampanii suprać łatarej i niekatoraj pradukcyi pradpryjemstvaŭ.
-
Akazvajecca, Biełaruś nie davała terytoryi dla napadu na Ukrainu. Łukašenka śćviardžaje, što heta było niešta inšaje
-
«Hałoŭnaje, kab nie było havorki, što baćki ŭvohule nie isnuje»: Vasil Drańko-Majsiuk adreahavaŭ na intervju svajoj byłoj žonki Valaryny Kustavaj
-
U Minsku pa Śvisłačy budzie chadzić račny tramvaj
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ35
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3939
Kamientary