«Малады фронт» пачынае кампанію «Хопіць карміць рэжым»
Пра гэта паведаміла намеснік старшыні арганізацыі Наста Палажанка.
Паводле яе слоў, актывісты «Маладога фронту» будуць аналізаваць выпадкі, калі «беларусы проста ад добрай душы спансуюць беларускія ўлады на мільёны, а бывае і мільярды долараў». Адпаведна, на такія факты будзе звернута ўвага.
Як адзначыла Палажанка, першым выпадкам такой «дапамогі» з’яўляецца плата за радыёкропкі, якія знаходзяцца ў кожнай кватэры. «Іх слухаюць адзінкі, але плацяць усе», — дадала яна.
«Як паведаміў у інтэрв’ю „Еўрарадыё“ Мікалай Важнік, намеснік начальніка па эксплуатацыі Беларускага радыётэлевізійнага перадавальнага цэнтра, па краіне 1 мільён 200 тысяч радыёкропак. Плюс „белтэлекамаўскіх“ крыху больш — 1 мільён 375 тысяч.
Калі скласці, то атрымліваецца дзесьці 2,5 мільёна на 10 мільёнаў насельніцтва.Мы рэгулярна аддаем дзяржаве больш за 800 рублёў за радыёкропку — менавіта такая сума прыходзіць нам у „жыроўках“ штомесяц. Па сённяшнім курсе долара атрымліваецца, што за гэтую паслугу, якой мы не карыстаемся, мы плацім 3 мільёны долараў на год. Яшчэ некалькі месяцаў таму, калі афіцыйны курс долара быў 3 тысячы рублёў, а паслуга каштавала тыя ж 800 з лішкам рублёў, прыбытак перадавальнага цэнтра складаў дзесьці 8,5 мільёна долараў на год», — падлічыла Палажанка.
Спасылаючыся на словы Важніка, яна таксама паведаміла, што найбліжэйшым часам плата за радыёкропку будзе павялічана.
«Ёсць магчымасць абсалютна легальна адключыцца ад радыёкропкі. Дастаткова напісаць заяву з адмовай без указання прычын, звярнуцца ў мясцовы цэнтр і выключыць гэту паслугу», — сказала Палажанка.
Паводле яе слоў, у далейшым магчымыя кампаніі супраць латарэй і некаторай прадукцыі прадпрыемстваў.
Лукашэнка заявіў, што сям‘я можа бачыцца з Калеснікавай і што яна нічым не адрозніваецца ад «мільёна» іншых палітвязняў23
Лукашэнка заявіў, што сям‘я можа бачыцца з Калеснікавай і што яна нічым не адрозніваецца ад «мільёна» іншых палітвязняў
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі3838
Каментары