Rasijskija telekanały dali abjektyŭnyja repartažy ź mitynhu pieršaj navinoj + videasiužety
Dla paraŭnańnia: biełaruskaje TV ni razu za 17 hadoŭ nie davała abjektyŭnych repartažaŭ ź mitynhaŭ apazicyi.
Rasijskija telekanały Pieršy kanał, «Rasija 1» i NTV pakazali pieršymi siužetami ŭ vynikovych vypuskach svaich subotnich navin repartaž ź mitynhu rasijskaj apazicyi na Bałotnaj płoščy paśla rasparadžeńnia prezidenta Dźmitryja Miadźviedzieva, paviedamili krynicy ŭ Kramli.
Taksama Miadźviedzieŭ rasparadziŭsia, kab palicyja viała siabie z apazicyjaj u subotu miakka.
Sapraŭdy,
palicyja nie zatrymała nivodnaha ŭdzielnika mitynhaŭ u subotu, a televiadučyja Kaciaryna Andrejeva, Siarhiej Bryloŭ i Alaksiej Pivavaraŭ pačali vypuski svaich vynikovych infarmacyjnych pieradač na «Pieršym», «Rasiei 1» i NTV ź siužetaŭ ab šmattysiačnym mitynhu ŭ Maskvie suprać falsifikacyj na vybarach u Dziarždumu.Kožny kanał u nastupnym siužecie aśviatlaŭ praviadzieńnie masavych mitynhaŭ apazycyi ŭ rehijonach. Heta byli abjektyŭnyja, niejtralnyja repartažy.
Svajo staŭleńnie da mitynhu Miadźviedzieŭ vykazaŭ, budučy ź vizitam u Prazie. Jon skazaŭ, što hramadzianie majuć prava vykazvać svaju pazicyju, u tym liku praź mitynhi, ale «ŭsio mitynhi pavinny pravodzicca ŭ stroha vyznačanych miescach u strohaj adpaviednaści z zakonam». U toj ža čas jon zaŭvažyŭ, što nie bačyć u mitynhach ničoha nienaturalnaha.
Dla paraŭnańnia: biełaruskaje TV ni razu za 17 hadoŭ nie davała abjektyŭnych repartažaŭ ź mitynhaŭ apazicyi.Akramia taho, łukašenkaŭcy daŭno nie dazvalali mitynhaŭ i šeściaŭ apazicyi ŭ ludnych miescach u centry horada.
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?8
Kamientary