Back in the USSR. Sto minčukoŭ u čarzie pa małako — fotafakt
Jany stajać, kab kupić pradukty trochi tańniej.
Žychary Minska štoranak vystrojvajucca ŭ šmatmietrovyja čerhi pa «sacyjalnyja» małako i śmiatanu — tavary, ceny na jakija častkova rehulujucca dziaržavaj. Ale znajści takija pradukty ŭ kramach składana.
Reč u tym,
vytvorcam niavyhadna pradavać tavar pa vyznačanych cenach, tamu jany akuratna abychodziać patrabavańni.Naprykład, litr pasteryzavanaha małaka biez napaŭnialnikaŭ pavinien kaštavać nie bolš za 2 320 rubloŭ. A pradpryjemstvy pačynajuć pradavać upakoŭki pa 0,9 ł, na jakija abmiežavańni nie raspaŭsiudžvajucca. Ci dadajuć u małako karysnyja rečyvy, kab nie rabić tavar «biez napaŭnialnikaŭ». U vyniku čerhi achvotnych nabyć tannyja pradukty źbirajucca kala kramaŭ jašče pierad adkryćciom. «Sacyjalnaha tavara», jakoha zavoziać mała, chapaje nie ŭsim.
Na fota — kala sta minčukoŭ u čarzie ŭ rajonie Čyžoŭka. Bolšaść ź ich — piensijaniery.
Ludzi prychodziać da kramy ŭžo a 5-j ranicy.
Toje samaje robicca ŭ inšych rajonach Minska: piensijaniery daviedzienyja biednaściu da rospačy.
Kolki pavinny kaštavać «sacyjalnyja tavary»?
Małako (1 ł, z tłustaściu 3,5%) — 2 320 rubloŭ
Kiefir (1 ł, 3,5%) — 2 340 rubloŭ
Śmiatana (1 ł, 25%) — 9 310 rubloŭ
Aržany chleb (aproč zavarnych sortaŭ) — 1 260 rubloŭ
Śvinina (miasakosny paŭfabrykat, 1 kh) — 28 980 rubloŭ
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary