Płanujecca, što pracy skončacca da leta 2012 hoda.
U Bajandajeŭskim rajonie Irkuckaj vobłaści ŭ składzie muziejnaha kompleksu stvarajecca biełaruskaja siadziba. Płanujecca, što budaŭnictva siadziby budzie zavieršana da leta 2012 hoda.
Pa infarmacyi staršyni Irkuckaha tavarystva biełaruskaj kultury im. Jana Čerskaha Aleha Rudakova, prajekt atrymaŭ svajo raźvićcio dziakujučy padtrymcy vice-śpikiera Zakanadaŭčaha Schodu Irkuckaj vobłaści Hienadzia Istomina, jaki maje biełaruskija karani, i ad samaha pačatku ŭźniknieńnia prajektu braŭ u im aktyŭny ŭdzieł, u tym liku i ŭkładaŭ u budaŭnictva svaje asabistyja srodki.
«Jon pamiataje, jak vyhladajuć sapraŭdnyja biełaruskija chaty, i choča ŭznavić toj pobyt, — adznačaje Aleh Rudakoŭ. — U suviazi z asimilacyjaj, to bok strataj etnasam svaich admietnych rysaŭ, naščadki biełarusaŭ biaruć na ŭzbrajeńnie sibirskija pobyt i ŭkład, a siadziba dazvolić ludziam ŭjavić, jak biełarusy žyli, budavali chaty, viali haspadarku».
Dom, jaki pabudavany pieršymi biełaruskimi pierasialencami, było vyrašana pieranieści na miesca budaŭnictva muziejnaha kompleksu z pasiołka Tałstoŭka Irkuckaj vobłaści.
Chatu ŭžo pastavili, dach nakryli, viasnoj i letam nastupnaha hoda płanujecca pravieści ŭnutranaje azdableńnie, pastavić pieč. Aleh Rudakoŭ adznačyŭ, što ŭžo jość śpiecyjalist, jaki viedaje, jak kłaści biełaruskija piečy, pry hetym piačnik — žančyna. «Jana z historyka-etnahrafičnaj punktu hledžańnia vyvučała asablivaści kładki», — padkreśliŭ Aleh Rudakoŭ. Užo raspačata budaŭnictva padsobnych haspadarak kala doma, u adpaviednaści z pobytam biełaruskich pierasialencaŭ buduć pabudavanyja adryny, chlavy i inšyja budynki.
Budaŭnictva muziejnaha kompleksu ŭ cełym było prypyniena z-za adsutnaści finansavańnia. Pa słovach Aleha Rudakova, ułady Bajandajeŭskaha rajona pradstavili prajekt na fiederalnym uzroŭni, i, mahčyma, dalejšaje finansavańnie pačniecca ŭžo ŭ pačatku 2012 hoda. «Ale navat kali nie, svaju siadzibu my dabudujem usio roŭna», — padkreśliŭ Aleh Rudakoŭ.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary