Pra heta paviedamiŭ 21 listapada ŭ Minsku na pres-kanfierencyi pa vynikach vizitu ŭradavaj delehacyi ŭ Kazachstan, Banhładeš i Indyju namieśnik ministra ekanomiki Anton Kudasaŭ.
Na jaho dumku, pytańnie pastaŭki kazachstanskaj nafty ŭ Biełaruś maje i ekanamičnyja i technałahičnyja pieradumovy. U pryvatnaści, u bolšaści vidaŭ nafty, što zdabyvajecca ŭ Kazachstanie, šmat parafinu, jaki, pavodle słoŭ śpiecyjalista, źjaŭlajecca «vielmi kaštoŭnaj syravinaj» dla naftachimičnaj haliny.
«Ale ŭ Adzinaj ekanamičnaj prastory pastaŭka nafty — pradmiet rehulavańnia tryma dziaržavami, i, značyć, vyrašeńnie takoha pytańnia pavinna być pryniataje ŭsimi krainami.Isnujučaja mižnarodnaja pravavaja baza absłuhoŭvaje ŭzajemadziejańnie Biełarusi i Rasii, heta značyć našu pierapracoŭku rasijskaj syraviny. U Kazachstana taksama jość biźnies pa pierapracoŭcy nafty, u tym liku rasijskaj nafty», — patłumačyŭ namieśnik ministra.
Pavodle jaho słoŭ, isnujučyja pahadnieńni patrabujuć uklučać usich troch partnioraŭ, u tym liku ŭzhadnieńnie ŭmoŭ tranzitu nafty i ŭmoŭ uzajemaadnosin biudžetaŭ pa ekspartnych mytnych pošlinach. «Kali takaja damoŭlenaść budzie dasiahnuta, to my b zmahli pierapracoŭvać kazachstanskuju naftu, častka jakoj užo pastaŭlajecca pa našaj terytoryi ŭ Zachodniuju Jeŭropu. Tady i našy adnosiny z Kazachstanam byli b bolš zbałansavanymi, bo my majem siońnia istotny praficyt na našu karyść», — adznačyŭ Kudasaŭ.
«My ŭ hetym kirunku pracujem, i hety praces uklučaje try baki», — reziumavaŭ namieśnik ministra.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?12
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary