Severyn i Uta pierakinulisia da łukašystaŭ
Ad 6 da 10 lipienia ŭ Berlinie prachodziła čarhovaja sesija Parlamenckaj asamblei ABSE. Delehacyja pałaty pradstaŭnikoŭ spadziavałasia zaniać na joj pustoje ciapier miesca Biełarusi ŭ zale pasiadžeńniaŭ. I choć pośpiechu čarhovy raz dasiahnuć nie ŭdałosia, žadanaja meta była blizkaj.
Znamianalna toje, što na bok pałaty pradstaŭnikoŭ stali były prezydent PA ABSE Adryjan Severyn, a taksama kiraŭnica rabočaj hrupy pa Biełarusi Uta Capf. Severyn sprabavaŭ paźbiehnuć dyskusii pa biełaruskim pytańni i “prapichnuć” jaho ciškom. Ale hetamu zapiarečyli delehaty ad ZŠA, Łatvii, Švecyi i navat Hans-Hieorh Vik. U vyniku praktyčna dźvie treci pasiadžeńnia byli pryśviečany abmierkavańniu biełaruskaj sytuacyi.
“Biełorusskaja hazieta” pryčynaj hetych kulbitaŭ bačyć asabisty interas Adryjana Severyna. Hetaje pasiadžeńnie PA ABSE było apošnim dla jaho jak prezydenta Parlamenckaj asamblei. Napieradzie — pavarot u karjery, mahčyma, vysokaja pasada ŭ AAN. Ale, kab zaniać jaje, spatrebicca padtrymka Rasiei. A dziela hetaha treba zrabić joj što-niebudź pryjemnaje. Vidać, dziadźku, zusim jak našamu hora-śpikieru Šareckamu ŭ Biełaruś, nia chočacca viartacca ŭ Rumyniju.
Mnohich naziralnikaŭ ździviła niaźmiennaść pazycyi rasiejskaj delehacyi ŭ planie padtrymki biełaruskich deputataŭ. Choć ciapier, paśla zajavaŭ Pucina, mnohija čakali źmien i tut. Ani!
Na adnoj z berlinskich sustreč kiraŭnik aficyjnaj biełaruskaj delehacyi Ŭładzimier Kanaploŭ zajaviŭ, što da jaho źviartałasia hrupa “byłych siabroŭ BNF” z prapanovaj stvaryć novuju palityčnuju partyju. I Kanaploŭ “uvažliva stavicca” da takoj perspektyvy. Ciapierašniaja apazycyja bačyć u hetaj zajavie imknieńnie ŭładaŭ uzmacnić “kišennuju apazycyju”.
Narešcie, jašče adzin štrych da niadaŭniaha pasiadžeńnia PA ABSE — čarhovy skandał z ŁDPB. S.Hajdukievič pryjechaŭ na pasiadžeńnie pa asabistym zaprašeńni, prysłanym jamu Severynam. Z čaho taki honar Hajdukieviču? — aburajucca apazycyjanery.
Vynikovaja ž rezalucyja Hieneralnaj asamblei ABSE pa Biełarusi vyjaviłasia žorstkaj. I miesca Biełarusi praciahvaje pustavać.
B.T.
Ciapier čytajuć
Bialacki pra mahčymyja pieramovy: Razmaŭlać prychodzicca i z bandytami1
Kamientary