Расійскае Мінабароны на сустрэчу з Белаконевым адправіла жанчын ФОТАФАКТ
У адпаведнасці з планам супрацоўніцтва між вайсковымі ведамствамі Беларусі і Расіі ў Мінск прыбыла дэлегацыя Міністэрства абароны Расійскай Федэрацыі, паведамляе афіцыйны сайт mil.by.
Цікавы факт — узначальвае дэлегацыю жанчына, намесніца міністра абароны Таццяна Шаўцова.
Агулам жа ў дэлегацыі 4 чалавекі, з якіх тры — жанчыны.
Шаўцова мела сустрэчу з кіраўніком Генеральнага штаба Алегам Белаконевым.
Як паведамляе сайт Мінабароны, абмяркоўваліся фінансавыя і бюджэтныя пытанні, а таксама асаблівасці кантролю за гаспадарчай дзейнасцю ва ўзброеных сілах.
Варта дадаць, што ў беларускім войску служыць каля 4 тысяч жанчын, больш за 600 з іх — афіцэры.
Пераважна яны служаць дактарамі, псіхолагамі, перакладчыкамі, юрыстамі і сувязнымі.
У Беларусі ніколі не было жанчын — намеснікаў міністра абароны.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?18
Каментары