27 траўня, пасля працяглай хваробы, пайшла з жыцця беларуска-амерыканская оперная спявачка (сапрана) Ірына Мозылева. Пра яе ўзгадвае Вячаслаў Бортнiк.
Ірына нарадзілася 31 траўня 1968 года ў Мёрах Віцебскай вобласці. Ейны талент спецыялiсты разгледзелi, калi ёй было 6 гадоў. Пасля спецыяльнай музычнай школы-інтэрната і каледжа Ірына трапiла ў Маскоўскую кансерваторыю. Адтуль яна адправіла касету са сваімi спевамi ў школу Джуліярда ў Нью-Ёрку, і яе запрасілі вучыцца ў Амерыку. Працягвала вучобу ў прыстыжным Інстытуце музыкі Кёрціса ў Філадэльфіі, атрымаўшы там поўную стыпендыю.
У 1997 годзе Iрына пераехала ў Нью-Ёрк, дзе адразу ўсталявала кантакты з беларускай дыяспарай. Нягледзячы на шчыльны расклад (яна ўжо выступала ў «Карнэгi холе» ды «Лiнкольн цэнтры»), заўсёды знаходзiла час, каб паспяваць на сустрэчах беларусаў Паўночнай Амерыкi, святкаваннях 25 Сакавiка ды iншых беларускiх iмпрэзах у Нью-Ёрку і Нью-Джэрсi. Многiя дасюль памятаюць «Мой родны кут» i «Зорку Венеру» ў ейным выкананнi.
Iрына таксама займалася выкладнiцкай дзейнасцю, кiравала царкоўным хорам. У 2016 годзе, страціўшы здольнасць спяваць з-за радыкальнай хірургічнай аперацыі, Ірына перанакіравала сваю творчасць на дызайн адзення. Чатыры днi яна не дажыла да свайго 52-годдзя.
У Iрыны застаўся муж Ар'я і дачка Лiя, якiя жывуць у Бiкане, штат Нью-Ёрк, а таксама бацька Мiкалай i сястра Тамара, якiя жывуць у Беларусi.
Мы не часта бачылiся з Iрынай, бо жылi ў рoзных краiнах, а пасля ў розных штатах, але ўсе сустрэчы былi незабывальныя. Давялося пазнаёмiцца і з ейнай мацi Лiяй (мы сустракалiся ў Менску).
Iрына назаўсёды застанецца ў маiм сэрцы. Яна была чалавекам вялiкай душы і сваiм талентам праславiла родную Беларусь. Вечная памяць!
Цяпер чытаюць
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі16
Каментары