Грамадства2020

«У рускіх раздзяўбайства і хаос». Беларускія афіцэры расказалі, як праходзіць зладжванне з рускімі ў супольных вучэбных цэнтрах

Расійскі вайскова-прапагандысцкі канал «Звязда» інфармуе аб трэніроўках па баявым зладжванні беларускіх мотастралкоў тэрміновай службы з расійскімі танкістамі ў Ніжагародскай вобласці на Мулінскім палігоне. Аналагічныя трэніроўкі будуць праводзіцца і ў Беларусі, пасля рашэння аб стварэнні сумесных трэніровачных цэнтраў. Дзейныя афіцэры беларускай арміі расказалі «Нашай Ніве», што гэта азначае і як успрымаецца ў арміі. 

Ілюстрацыйны здымак. Фота: «Ваяр»

«З практычнага. Сумесныя цэнтры будуць прадугледжваць падрыхтоўку па адзіных праграмах ваеннага навучання — адбудзецца пераарыентацыя праграм вайсковага навучання на расійскі падыход. 

Для кожнага роду войск і спецыяльнасці існуюць праграмы навучання. Напрыклад, возьмем тых самых мотастралкоў, якія трэніруюцца паводле Праграм баявой падрыхтоўкі — у нас гэтыя праграмы скапіяваныя з праграм СССР і абнаўляліся неістотна, што б хто ні казаў.

У Расіі ж гэтыя праграмы істотна абноўленыя і адаптаваныя пад захопніцкія задачы расійскай арміі, да чаго, відаць, будуць прывучаць і беларусаў. 

Не кажучы аб паглыбленні міжасабовых сацыяльных кантактаў і прывучвання салдат да думкі, што ў Беларусі і Расіі адна армія, з чаго вынікае выснова — што і народ адзін. Гэта з палітычнага.

У доўгатэрміновай перспектыве гэта нясе пагрозу канчаткова аформленай страты беларускай дзяржаўнасці. Нізавы склад беларускага войска не будзе бачыць сэнсу ў абароне суверэнітэту ад сваіх жа «калег», калі такая сітуацыя здарыцца», — сказаў вайсковец. 

«Гэта дэструктыўна, таму што Расія пагражае беларускай дзяржаўнасці праз наратыў «адзін народ».

Таксама стаўлю на тое, што абсалютная, абсалютная большасць будучых беларускіх салдатаў, якія цяпер мнуць дзеўкам цыцкі ў клубах, паняцця не маюць, чаму трэба забіваць украінцаў — у нас няма гэтага расійскага фашызму. Сумесная вучоба з расіянамі, асабліва з іхнімі інструктарамі, — гэта і сумесны побыт, і абалваньванне беларусаў вуснамі іхніх інструктараў.

Рускія так пракачаныя прапагандай, што там звычайны афіцэр, звычайны салдат — ужо як нампаліт.

Словам, я нічога добрага ў гэтым не бачу. Ну, беларусы сутыкнуцца з тым, чаго яны не ведалі з часоў Савецкага Саюза — са сваяцкімі з'явамі ў войску, з дзедаўшчынай каўказкіх народнасцяў, ну ды і хай знаёмяцца — з іншага боку, могуць і адчуць сябе іншымі», — сказаў іншы афіцэр. 

Ëн адзначыў, што ў сілавых структурах ёсць як афіцэры-беларусы, так і афіцэры, якія не лічаць беларусаў асобным народам і хочуць далучэння нашай краіны да Расіі. 

«Ёсць дзве катэгорыі вайскоўцаў-афіцэраў:

а) беларусы, якія пражылі ўсё жыццё тут, са сваякамі і родзічамі,

б) людзі з сем'яў вайскоўцаў, чые бацькі тут апынуліся воляй лёсу, і яны самі не разабраліся, хто яны ёсць.

Вось гэтая катэгорыя «б» — ім сучасныя рускія ментальна блізкія. Гэтай другой катэгорыі тут заўсёды было менш за палову», — адзначае афіцэр.

«Першая катэгорыя другую ніколі асабліва не любіла, а цяпер, я думаю, гэтая варожасць будзе і нарастаць, — кажа афіцэр. — У войску ды іншых структурах беларусы сутыкаюцца з ядроным рускім шавінізмам».

«У рускіх раздзяўбайства і хаос, — так апісвае досвед супрацы з расійскімі вайскоўцамі беларускі афіцэр. — Я гэта праходзіў на сабе. Мы дзейнічаем па пісаных інструкцыях, а ў іх вечнае абы-што і форс-мажоры. Раздзяўбайскі падыход да тэхнікі, сінюшнасць «спяцоў». Мы для рускіх нацыкі проста таму, што мы не такія, як яны, не так жывём», — сказаў «Нашай Ніве» афіцэр. 

Каментары20

  • А
    09.11.2022
    Хутчэй бы знікла гэта імперыя оркаў!
  • Антон Бандерас
    09.11.2022
    Даже не знаю что сказать про их боевое "слаживание". В качестве объективного примера их действий я вижу красноармейцев, которые вместе с эсэсовцами изучают приёмы как сжигать деревню с жителями поэффективнее... Ну или как качественнее вырывать зубные коронки из золота из ртов убитых.
    Нет в Беларуси армии, есть какие-то недоделки тупые.
  • Гервасій
    09.11.2022
    Няма ў нашай арміі ніякага беларускага. Есць лукашысцкае. І ахвіцэры, у большасці сваёй, сраць хацелі на беларускую самасвядомасць і нацыянальныя інтарэсы. Хай грошы, ды паболей плацяць, а пад кім там - не важна - вось і ўвесь расклад. Наглядзеўся бляцтва гэтага, ага.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі

Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі

Усе навіны →
Усе навіны

У ДТЗ у Івацэвіцкім раёне загінулі два чалавекі

Галоўчанка патлумачыў сітуацыю з далярамі ў Беларусі3

Навукоўцы зразумелі, чаму нашы вясковыя бабулі жылі даўжэй9

Мінчук хацеў правучыць «хамa» ў трамваі, але чамусьці ўдарыў каленам у нос школьніцу2

У Магілёве прадаюць 10 тон бульбы ўсяго па 60 капеек за кіло. Што з ёй не так?4

У Белым доме ўрачыста правялі з дзяржаўнай службы Ілана Маска. Трамп падарыў яму залаты ключ11

Трамп заявіў, што расчараваны і шакаваны дзеяннямі Расіі1

Акадэмікам Расійскай акадэміі навук абралі «кравасісю» часоў Януковіча 5

«Я яшчэ мог сумнявацца ў сабе. Але калі Маша такое зрабіла!» Невядомыя факты пра Віктара Бабарыку расказала яго адвакатка Наталля Мацкевіч7

больш чытаных навін
больш лайканых навін

Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі

Фінал Лігі чэмпіёнаў скончыўся з лікам 5:0. Такога разгрому не было ніколі ў гісторыі

Галоўнае
Усе навіны →

Заўвага:

 

 

 

 

Закрыць Паведаміць