У Брэсце палонак для акунання на Вадохрышча арганізоўваць не будуць «па традыцыі»
Старшыня Брэсцкага гарвыканкама Аляксандр Рагачук афіцыйна паведаміў у сваім тэлеграм-канале, што ў Брэсце палонак для акунання на Вадохрышча рабіць у гэтым годзе не будуць, бо такая ў горадзе склалася традыцыя.
«Па традыцыі, якая склалася ў апошнія гады, 19 студзеня, на свята Хрышчэння Гасподняга, у горадзе не будуць арганізаваныя купелі для акунання.
Улічваем пры гэтым і пазіцыю Беларускай праваслаўнай царквы аб тым, што гэты абрад мае вельмі ўскоснае дачыненне да духоўнага жыцця», — напісаў брэсцкі вертыкальшчык.
Каментары