Распрацавана экскурсія «Па сядзібах Эдварда Вайніловіча»
У Капыльскім раёне Мінскай вобласці з’явіўся новы экскурсійны маршрут — «Па сядзібах Эдварда Вайніловіча». Ён распрацаваны Капыльскім раённым краязнаўчым музеем да100-годдзя мінскага касцёла Святых Сымона і Алены (Чырвоны касцёл), якое адзначаецца ў кастрычніку 2010 года.
Маршрут «Па сядзібах Эдварда Вайніловіча» ўключае наведванне руін сядзібы «Лапухі» ў вёсцы Дунаева, якая ў другой палове XIX стагоддзя належала Вайніловічу. На сродкі ад яе продажу ў 1903 годзе ажыццяўлялася будаўніцтва Чырвонага касцёла. Сёння на месцы сядзібы захаваліся калодзеж і басейн, рэшткі гаспадарчай пабудовы і свірана. Вакол сядзібы на месцы былога парку захавалася некалькі дзясяткаў дрэў. Частка з іх уяўляюць дэндралагічную каштоўнасць: канадская белая таполя, рэдкія гатункі дуба.
Экскурсія праходзіць праз рэшткі радавога маёнтка Вайніловічаў — сядзібу «Савічы» (у аднайменнай вёсцы), якая належала сям’і з XVI стагоддзя. Сёння на месцы сядзібы можна ўбачыць напаўразбураны будынак бровара і невялікі курган з некалькімі надмагільнымі плітамі і драўляным крыжом у памяць пра род Вайніловічаў.
Акрамя таго, экскурсантам прапануецца ўбачыць рэшткі касцёла Святога Міхаіла Архангела ў вёсцы Цімкавічы. У падзямеллях касцёла знаходзіліся фамільныя ўсыпальні роду Вайніловічаў.
Як паведаміла дырэктар Капыльскага раённага краязнаўчага музея Валянціна Шуракова, усяго на Копыльшчыне знаходзіцца шэсць
Каментары