Галоўны ідэолаг Дэпартамента фінансавых расследаванняў Камітэта дзяржкантролю (КДК) Генадзь Прахарцоў звольнены з займанай пасады.
Гэтую інфармацыю пацвердзілі ў
Паводле неафіцыйнай інфармацыі, прычынай звальнення стала тое, што ў кватэры Прахарцова быў знойдзены дазвол на жыхарства ў ЗША Green Card. Знайшлі яго супрацоўнікі КДБ у часе ператрусу.
Як паведаміла TUT.BY інфармаваная крыніца, спачатку спецслужбы заўважылі наведванне ім пасольства ЗША ў Мінску, што і стала падставай для ператрусу. «Прахарцова шмат хто ведаў менавіта як непрыяцеля ЗША і Захаду, таму наяўнасці ў яго Green Card у КДК з прыкрасцю здзівіліся», — дадае суразмоўца.
Дзе цяпер знаходзіцца Прахарцоў, невядома. У Камітэце дзяржаўнай бяспекі не сталі каментаваць гэтую інфармацыю.
Генадзь Прахарцоў займаў пасаду начальніка ўправы ідэалагічнай і кадравай работы ДФР. Нядаўна — 2 кастрычніка — ён атрымаў ад Аляксандра Лукашэнкі медаль «За бездакорную службу» I ступені.
Варта адзначыць, што ніякай заканадаўчай нормы, якая б забараняла чыноўнікам атрымліваць дазвол на жыхарства ў іншай краіне, няма.
«Галоўны ідэолаг», «намеснік па ідэалагічнай працы» ў лукашэнкаўскай сістэме — гэта пасада, створаная для нагляду за супрацоўнікамі і індактрынацыі.
Ідэолагі праводзяць афіцыйны курс і арганізоўваць рознага роду «выбары», а таксама сочаць за «нядобранадзейнымі» кадрамі.
ДФР адзначыўся прынамсі ў дзвюх палітычных справах. Спачатку ягоныя следчыя займаліся праваабаронцам Алесем Бяляцкім, якога звінавацілі ў нясплаце падаткаў з грошай, што ён збіраў для падтрымкі рэпрэсаваных. А ў 2012 ДФР вёў дазнанне і сканфіскаваў беларускамоўныя кнігі, якія належалі Валеру Булгакаву.
Каментары