Маршрутныя таксі ў Мінску павінны выглядаць прэзентабельна, заявіў 21 студзеня на аператыўнай нарадзе старшыня Мінгарвыканкама Мікалай Ладуцька. Ён даручыў адказным службам праверыць стан аўтамабіляў і прыняць меры для паляпшэння сітуацыі.
«Нашы патрабаванні як да знешняга выгляду, так і да салонаў машын павінны быць высокімі. Праезд у таксі не такі танны, каб пасажыры атрымлівалі паслугу неналежнай якасці», — мяркуе Мікалай Ладуцька.
Як адзначыў дырэктар дзяржаўнай установы «Сталічны транспарт і сувязь» Валерый Шкуратаў, у студзені спецыялісты прадпрыемства праводзілі праверкі маршрутных таксі, было выдадзена 12 прадпісанняў прыватным перавозчыкам аб прывядзенні ў парадак транспартнага сродка. Кантрольныя мерапрыемствы прадоўжацца.
Усяго ў горадзе налічваецца 530 аўтамабіляў маршрутных таксі.
Каментары