На Беларускай чыгунцы разглядаюць магчымасць будаўніцтва новай лініі ў Палескім рэгіёне.
Як паведамілі ў
Папярэдні каштарыс будаўніцтва выбранага варыянту трасы і эфектыўнасць укладання інвестыцый неабходна ацаніць да кастрычніка 2013 года», — зазначылі ў БЧ. Паводле папярэдніх ацэнак,
на праектуемай чыгуначнай лініі могуць быць пабудаваныя чатыры чыгуначныя станцыі: Глушкевічы, Мілашэвічы, Лельчыцы і Міхалкі.У непасрэднай блізкасці ад праектаванага ўчастка дарогі знаходзяцца больш як 14 населеных пунктаў Лельчыцкага і Мазырскага раёнаў.
Працягласць аднапутнай чыгуначнай лініі перавысіць 100 кіламетраў, падкрэслілі ў БЧ. «Магчымыя варыянты трасы чыгункі прадугледжваюць узвядзенне аднаго вялікага моста (даўжынёй 390 метраў) цераз раку Убарць, а таксама 25 сярэдніх мастоў і двух пуцеправодаў. Апрача таго, плануецца будаўніцтва шасці чыгуначных раз’ездаў, дзвюх развязак на перасячэнні з аўтамабільнымі дарогамі і 16 неахоўных пераездаў», — сказалі ў БЧ.
У арганізацыі мяркуюць, што будаўніцтва новай чыгуначнай лініі будзе садзейнічаць рэалізацыі Дзяржаўнай праграмы развіцця і комплекснага выкарыстання прыродных рэсурсаў Прыпяцкага Палесся, прыцягненню інвестыцый і развіццю экспартнага патэнцыялу краіны і транспартнай інфраструктуры рэгіёну.
Таксама рэгіён багаты на розныя карысныя выкапні — абліцовачны камень, буры вугаль, гліну і каменную соль. Згодна з папярэднімі заяўкамі Гомельскага аблвыканкама, штогод па лініі, якая праектуецца, магчымая перавозка каля 3,2 млн. тон бурага вугалю, 4 млн. тон каменепрадукцыі, 0,5 млн. тон торфу і каля 1,2 млн. тон народнагаспадарчых грузаў.
Каментары