Білеты на Алімпійскія гульні — 2014, якія пройдуць у Сочы, паступяць у Беларусі ў продаж у хуткім часе. Пра гэта паведамляепрэс-служба Нацыянальнага алімпійскага камітэта Беларусі.
«У гэты момант дэлегацыя НАК Беларусі на чале з генеральным сакратаром Георгіем Катуліным знаходзіцца ў Сочы, дзе вядзе заключныя перамовы і ўзгадненне па пытаннях продажу білетаў на тэрыторыі нашай краіны», — інфармуе НАК.
За год да пачатку XXII зімовых Гульняў у Сочы аб`яўлены старт продажу білетаў на Алімпійскія гульні. Але на сайце XXII Алімпійскіх зімовых гульняў і XI Паралімпійскіх зімовых гульняў білеты могуць набыць толькі грамадзяне Расіі і замежныя грамадзяне, якія афіцыйна жывуць у краіне. У іншых краінах купіць білеты будзе магчыма выключна ў афіцыйных білетных агентаў, прызначаных Нацыянальнымі алімпійскімі камітэтамі адпаведных дзяржаў.
Продаж білетаў грамадзянам Рэспублікі Беларусь плануецца пачаць у хуткім часе пасля ўрэгулявання ўсіх момантаў і падпісання адпаведнай дамовы з аргкамітэтам Гульняў.Пра дзень старту продажу будзе паведамлена на сайце www.noc.by і ў рэспубліканскіх СМІ.
Білетная праграма Гульняў 2014 года стане адной з самых маштабных у гісторыі зімовых Алімпіяд дзякуючы рэкорднай колькасці відаў спорту і новых відаў спаборніцтваў, уключаных у праграму.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары5
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары