Праз два месяцы пасля апошняй аперацыі прэзідэнт Венесуэлы Уга Чавэс па-ранейшаму пакутуе ад ускладненняў дыхання.
Пасля вяртання ў Венесуэлу з Кубы ў пачатку тыдня Чавэс быў дастаўлены ў вайсковы шпіталь у Каракасе, дзе праходзіць курс лекавання, паведаміў міністр інфармацыі Венесуэлы Эрнэста Вільегас.
Раней паведамлялася, што пасля чацвёртай аперацыі па выдаленні ракавай пухліны прэзідэнт Венесуэлы падхапіў інфекцыю дыхальных шляхоў.
Упершыню афіцыйныя асобы Венесуэлы назвалі прагноз стану дыхальных шляхоў неспрыяльным.
Некаторыя дактары ацэньвалі перспектывы выздараўлення, абапіраючыся на тэндэнцыі развіцця анкалагічных хваробаў у выпадках, падобных да Чавэсавага.
Каментары