Мінгарвыканкам дазволіў Дзень Волі, але забараніў выкарыстоўваць сімволіку
Сёння арганізатары мітынга і шэсця 24 сакавіка ў гонар Дня Волі наведалі Мінгарвыканкам, дзе і было зачытанае рашэнне гарадскіх уладаў.
«Было змененае месца збору. Мы прасілі пляцоўку каля ўваходу ў Батанічны сад, але нам далі — каля кінатэатра «Кастрычнік», — кажа намеснік старшыні Руху «За Свабоду» Юрась Губарэвіч.Тым не менш, пачатак збору (а 12), час шэсця па вуліцы Сурганавай (12.30–14.00) і пачатак мітынга на плошчы Бангалор(а 14) не быў зменены.
Другі важны пункт — забарона на выкарыстанне сімволікі, плакатаў, транспарантаў, банераў.«Гэта было патлумачана пунктам 2 Закона „Аб масавых мерапрыемствах“, адрозненнем мітынга і шэсця ад дэманстрацыі», — кажа Губарэвіч.
«Відавочна, прынятыя такія рашэнні прынятыя, каб ускладніць акцыю. Як для арганізатарам, цяпер трэба правесці кампанію інфармавання аб новым месцы збора. Так і для ўдзельнікаў, супраць якіх за сімволіку можа быць выкарыстанае адміністрацыйнае пакаранне», — падсумоўвае Юрась Губарэвіч.
Цяпер чытаюць
Куды цяпер едуць вучыцца беларускія студэнты — топ краін і тэндэнцый11
Каментары