На Краснай Плошчы ў Маскве праціўнікі «закона аб прапісцы» разгарнулі банер з тэкстам «Ідзіце нах** са сваёй рэгістрацыяй» і запалілі фаер. Фота відавочцы выклалі ў Twitter.
15 чалавек былі затрыманыя. Сярод затрыманых -- журналісты канала «Политвестник» Аляксандр Сотнік і Дзмітрый Мялехин і супрацоўніца Каспаров.Ru Марыя Рашэтнікава. Паліцыя ад каментароў адмаўляецца.
«Грані.Ру» адзначаюць, што паліцыя пры затрыманні дзейнічала жорстка, цягала актывістаў за валасы і вушы і біла нагамі.
Закон, які атрымаў назву «аб прапісцы» або «пра гумовых кватэрах», быў унесены ў Дзярждуму прэзідэнтам Расіі Уладзімірам Пуціным і ўхвалены Дзярждумай ў першым чытанні ў лютым 2013 года.
Ён уводзіць паняцце фіктыўнай рэгістрацыі і ўстанаўлівае за яе пакаранне аж да трох гадоў турмы.
На думку уладаў, узмацненне жорсткасці кантролю за выкананнем правілаў рэгістрацыі па месцы жыхарства дапаможа змагацца з «гумовымі кватэрамі», у якіх фіктыўна рэгіструюць вялікую колькасць прыезджых. Праціўнікі законапраекта звяртаюць увагу на тое, што закон фактычна адраджае інстытут прапіскі і парушае канстытуцыйнае права на свабоду перамяшчэння. Пад петыцыяй супраць закона падпісаліся больш за 47 тысяч чалавек.
Каментары