У Ватыкане адбылася цырымонія інтранізацыі новага папы. Папа Францішак адрокся многіх атрыбутаў раскошы, якія былі ўласцівы Ватыкану ў мінулым. Так, на цырымонію ён прыехаў не на браніраваным папамабілі, а ў адкрытым джыпе. Ён часта спыняўся, каб павітаць людзей, а адзін раз нават выйшаў з машыны, каб паблаславіць інваліда.Нагадаем, што 13 сакавіка новым Папам быў абраны арцыбіскуп
Сярод іншых нацыянальных сцягоў, на плошчы Святога Пятра заўважаны і
Сваю казань папа прамовіў на італьянскай мове.Казань папы Францішка была прысвечана Святому Язэпу і паняццю, якое выражаецца ў ёмістым італьянскім слове «custodire» — захоўваць, ахоўваць, берагчы, дбаць, даглядаць — ва ўсіх ягоных значэннях: захаванне царквы, ахова прыроды, клопат пра дзяцей і старэйшых людзей, любоў да блізкага і дапамога самым слабым на гэтым свеце. Папа цытаваў папу Яна Паўла ІІ і святога Францішка з Асізі. «Улада — гэта служэнне», сказаў Францішак. Служэнне бедным, слабым, хворым, зняволеным, укрыўджаным, нагадаў папа.
На цырымоніі прысутнічалі афіцыйныя дэлегацыі з 130 краін.Пасля імшы папа прыме высокіх гасцей у базіліцы Святога Пятра. У сераду папа сустрэнецца з дэлегацыямі 30 хрысціянскіх цэркваў, а таксама мусульманаў, юдзеяў, будыстаў, сікхаў і джайнаў. У пятніцу ён прыме дыпламатаў, акрэдытаваных пры Святым Пасадзе. На суботу ў яго запланаваная сустрэча з былым папам Бенедыктам XVI. А ў нядзелю ён узначаліць святкаваць Вербнай (Пальмовай) нядзелі.
Цырымонія інтранізацыі доўжылася толькі дзве гадзіны. У Бенедыкта XVI гэта цягнулася тры гадзіны.
Прадстаўнік канстанцінопальскага патрыярхата ў панядзелак абвясціў, што Яго Святасць архіепіскап Канстанцінопаля — Новага Рыма і ўсяленскі патрыярх Варфаламей I прыехаў у Рымна цырымонію інтранізацыі папы рымскага Францішка. Такога не было ад 1054 года, з часу Вялікага расколу хрысціянскай царквы на заходнюю каталіцкую і ўсходнюю праваслаўную.
Са свайго боку, ватыканскія ўлады вырашылі, што падчас інтранізацыі Евангелле будуць чытаць не на лаціне, як гэта робіцца звычайна, а на грэчаскай мове ў знак павагі да праваслаўнай традыцыі.
Каментары