Вышыня снежнага покрыва на ўсходзе Магілёўскай вобласці да раніцы 31 сакавіка дасягнула 64 см, сведчыць карта, размешчаная на рэсурсе meteoinfo.by.
Днём 30 сакавіка ў гэтым рэгіёне выпала ад 1 да 3 мм ападкаў, што роўнае 1—3 см снегу.
У Мінску вышыня снегу складае 45 см, у Магілёве — 59, Віцебску — 35, Гомелі — 19, Брэсце — 12, Гродне — 8.
У Маскве таўшчыня снежнага покрыва роўная 69 см, у Кіеве, які тыдзень таму перажыў снежны буран, — 49 см, у Вільні — 20 см, у Варшаве — 3 см. Самы заснежаны горад на карце — Сергіеў Пасад, што на паўночным усходзе ад Масквы (82 см).
Паводле звестак беларускіх сіноптыкаў, цяперашні сакавік быў на 2—4 градусы халаднейшы за звычайны.Такога халоднага і снежнага надвор'я ў першы месяц вясны не назіралася больш як паўстагоддзя.
1 красавіка ў паўночна-заходніх і цэнтральных раёнах прагназуецца моцны мокры снег. Ноччу чакаюцца ў асноўным слабыя адмоўныя, днём — слабыя станоўчыя тэмпературы.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА118
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары