Аператыўнікамі Лідскага РАУС затрыманы мясцовы жыхар 1989 года нараджэння, які нідзе не працуе. Ён падазраецца ў шэрагу рабаванняў, учыненых за некалькі апошніх тыдняў.
Як паведамілі ва УУС Гродзенскага аблвыканкама, ва ўсіх выпадках (вядома аб чатырох) злачынец ў якасці ахвяр выбіраў дзяўчат, у якіх адбіраў грошы і каштоўныя рэчы. Ён прыставаў да дзяўчат, а апошнюю ледзь не згвалтаваў.
Паводле слоў начальніка аддзела крымінальнага вышуку Лідскага РАУС Дзмітрыя Уляшкі, асоба падазраванага ў міліцыі вядомая даўно.У мінулым малады чалавек судзімы за ўчыненне крадзяжоў (краў у асноўным пакінутыя без догляду асабістыя рэчы ў кабінетах арганізацый), махлярства і згвалтаванне, якое ўчыніў у 2008 годзе. Вызваліўшыся ў пачатку сакавіка гэтага года, ён паспеў учыніць некалькі рабаванняў.
Ва ўсіх выпадках злачынца дзейнічаў аднолькава — адной рукой абдымаў ахвяру за талію, а другой закрываў рот, пасля чаго не толькі патрабаваў каштоўнасці, але і прыставаў да дзяўчат.Цяпер вырашаецца пытанне аб распачынанні крымінальнай справы па факце рабаванняў, а таксама за замах на згвалтаванне. Сваю віну ва ўчыненым затрыманы прызнае.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе55
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе5
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары