Працэс над вядомым блогерам, адным з дзеячаў расійскай апазіцыі пачаўся сёння раніцай у Кіраве.
Ленінскі раённы суд Кірава пачаў разглядаць крымінальную справу ў дачыненні да А. Навальнага аб крадзяжы маёмасці «Кіраўлеса». Яго вінавацяць у крадзяжы нібыта 16 млн расійскіх рублёў (500 тыс. даляраў).
Па версіі следства, падчас працы дарадцам губернатара Кіраўскай вобласці, Навальны, уступіўшы ў змову з дырэктарам «Вяцкай лясной кампаніі» Пятром Афіцэравым і гендырэктарам «Кіраўлеса» Вячаславам Апалевым арганізаваў крадзеж больш за 10 тысяч кубаметраў лесу.
За «арганізацыю растраты чужой маёмасці ў асабліва буйным памеры» Навальнаму пагражае да 10 гадоў калоніі.
Навальны настойвае, што справа сфабрыкаваная, а яго пераследуюць па палітычных матывах.
У Кіраў з Масквы раніцай прыбыў цэлы журналісцкі цягнік, а пад сценамі суда прайшлі два мітынгі: у падтрымку Навальнага і мітынг «нашыстаў». Першыя крычалі: «Пуцін — злодзей», другія — «Злодзей павінен сядзець у турме».
Але стала вядома, што суд адкладзены да 24 красавіка.
Адвакаты прасілі адкласці суд на месяц, каб больш падрабязна азнаёміцца з матэрыяламі справы.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары