З 1 мая 2013 г. рэгістрацыя ўвезеных у Беларусь з Расіі і Казахстана транспартных сродкаў будзе ажыццяўляцца толькі на падставе пасведчання аб рэгістрацыі з адзнакай рэгіструючага органа аб зняцці такога транспартнага сродку з уліку.
Пра гэта паведамілі ва ўпраўленні ДАІ ГУУС Мінгарвыканкама.
У выключных выпадках пры адсутнасці пасведчання аб рэгістрацыі з адзнакай рэгіструючага органа аб зняцці транспартнага сродку з уліку рэгістрацыя транспартных сродкаў на падставе пашпарта транспартнага сродку будзе рабіцца толькі пасля афіцыйнага пацвярджэння рэгістрацыі і зняцця такога транспартнага сродку з уліку па месцы яго папярэдняй рэгістрацыі на тэрыторыі дзяржавы — члена Мытнага саюза.
Парадак змяняецца ў мэтах няўхільнага выканання патрабаванняў нарматыўных прававых актаў, што рэгламентуюць рэгістрацыйную дзейнасць ДАІ.
За мінулы год у Мінску было пастаўлена на ўлік амаль 90 тыс. транспартных сродкаў, што належаць фізічным асобам. Гэта на 43% менш у параўнанні з 2011 годам. Усяго ў Мінску зарэгістравана каля 800 тыс. транспартных сродкаў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары