У Гомельскай вобласці падтоплена звыш трох тысяч падворкаў.
Новыя падтапленні паводкавымі водамі зарэгістраваныя ў Гомельскім, Веткаўскім, Добрушскім, Рэчыцкім і Светлагорскім раёнах. 25 красавіка былі падтопленыя 406 падворкаў, 337 жылых дамоў, у якіх пражываюць 463 чалавекі, восем чалавек былі адселены.
Як паведамілі БелаПАН у Гомельскім абласным упраўленні МНС, ад ракі Сож у Ветцы падтоплены 18 падворкаў, у Гомелі — 335 падворкаў і столькі ж жылых дамоў, у якіх жыве 460 чалавек. Адсяленне спатрэбілася васьмі жыхарам, з іх трое эвакуіраваны да сваякоў, чацвёра — у бальніцу і адзін — у інтэрнат. У гарадскіх межах Гомеля Сож затапіў набярэжную і пляжы. Зафіксаваныя таксама падтаплення ад рэк Іпуць, Днепр і Бярэзіна.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары