Калінкавіцкая справа: пракуратура падала ў суд іск аб адмене ўсынаўлення двухгадовага Вані Цімашэнкі
Пракуратура Гомельскай вобласці падала ў суд іскавую заяву аб адмене ўсынаўлення ў дачыненні да двухгадовага Вані Цімашэнкі з вёскі Ліпаў Калінкавіцкага раёна. Пра гэта ў інтэрв’ю паведаміла памочнік пракурора вобласці па справах непаўналетніх і моладзі Вера Замойская.
Пракуратура просіць адмяніць рашэнне суда аб усынаўленні дзіцяці і перадаць яго органам апекі і папячыцельства.23 красавіка павінна было адбыцца судовае пасяджэнне па іску, але яго перанеслі ў сувязі з тым, што бацька дзіцяці знаходзіцца зараз з хлопчыкам на рэабілітацыі. Паводле слоў памочніка пракурора, іскавая заява была пададзена ў інтарэсах дзіцяці — бацькі недагледзелі хлопчыка, ён атрымаў траўму. А паводзіны бацькоў, у прыватнасці маці, ужо пасля атрымання дзіцем траўмы і шпіталізацыі сведчаць пра тое, што, хутчэй за ўсё, яны не змогуць забяспечыць у далейшым належны догляд за хворым хлопчыкам.
«Вырашаць пытанне аб адмене ўсынаўлення будзе суд. Маці ў сілу непаразумення недастаткова глядзела за хлопчыкам.Зараз, калі ён хворы, яна наўрад ці будзе ў стане забяспечыць яму належны догляд. Яна недастаткова была гатова для ажыццяўлення бацькоўскіх функцый. Пракуратура мяркуе, што немэтазгодна вяртаць дзіця пасля выпіскі ў гэту сям’ю», — растлумачыла Замойская.
«Мы апытвалі жыхароў вёскі Ліпаў, усе даюць сям’і станоўчую характарыстыку, ніхто дрэнна пра іх не гаварыў. Быў кантроль і з боку органаў апекі. Маці клапацілася пра дзіця, часта звярталася ў мясцовую бальніцу па дапамогу, купляла хлопчыку ўсё неабходнае. Але пасля траўмы дзіцяці і пасля з’яўлення роліка ў інтэрнэце і наступных абвінавачанняў у бок маці ў яе стрэс. Разам з тым, бацька дзіцяці пастаянна знаходзіцца з ім у бальніцы, ён прывязаны да сына, характарызуецца станоўча», — зазначыла суразмоўца.Памочнік пракурора падкрэсліла, што пры праверцы было ўстаноўлена: заканадаўства ў частцы ўсынаўлення не было парушана, усе патрабаванні закона выкананы.
Пракуратура вобласці таксама падала прадстаўленне ў Гомельскі аблвыканкам, у якім прапанавана розным упраўленням прыняць меры да недапушчэння такіх сітуацый у наступным. Так, упраўленню аховы здароўя прапанавана прыняць усе меры па лячэнні і рэабілітацыі дзіцяці, упраўленню адукацыі — больш надаваць увагі замяшчальным сем’ям, прыцягнуць да адказнасці вінаватых асоб, знайсці дзіцяці прыёмную сям’ю і гэтак далей.
Нагадаем, двухгадовы Ваня Цімашэнка ў студзені 2013 года трапіў у рэанімацыю з
Каментары