Рада БНР заклікае ўлады Швецыі расследаваць інцыдэнт з фанатамі на хакеі
Рада БНР заклікала ўлады Швецыі правесці расследаванне інцыдэнту з бел-чырвона-белым сцягам падчас чэмпіянату свету па хакеі і прыняць меры ў адпаведнасці з заканадаўствам.
«5 мая на чэмпіянаце свету па хакеі ў Швецыі асобамі ў уніформе былі ўжытыя гвалтоўныя дзеянні супраць актывістаў арганізацыі «Беларуская нацыянальная памяць», якія разгарнулі бел-чырвона-белы сцяг. Пры гэтым спасылаліся на нібыта палітычны характар сцяга. Рада БНР сведчыць, што бел-чырвона-белы сцяг не з`яўляецца сімвалам якой-небудзь палітычнай партыі», — гаворыцца ў заяве рады.
У дакуменце тлумачыцца, што бел-чырвона-белы сцяг з`яўляўся нацыянальным сцягам Беларусі да рэферэндуму 1995 года. «Менавіта гэты «рэфэрэндум» быў пачаткам татальнага наступу на законнасць, дэмакратыю і правы чалавека. Ён быў прызначаны і праведзены з грубымі парушэннямі Канстытуцыі і законаў Беларусі», — адзначаюць аўтары заявы.
Бел-чырвона-белы сцяг з`яўляецца гістарычным беларускім сімвалам, падкрэслівае Рада БНР. Дзеянні ў дачыненні да беларусаў на чэмпіянаце свету па хакеі яна ацэньвае як «абразу нацыянальнага гонару і годнасці».
У заяве ўтрымліваецца заклік да Міжнароднай федэрацыі хакея «гарантаваць павагу да дзяржаўных сімвалаў і выкананне правоў чалавека падчас спаборніцтваў».
Малады работнік «Мінск-Арэны» павінен заплаціць 71 мільён даляраў4
Каментары