Каля 60 заявак на правядзенне пікетаў у сталіцы і абласцях Беларусі, запланаваныя на 7 мая ў гадавіну знікнення Юрыя Захаранкі, атрымалі адмоўны адказ.Чыноўнікі спаслаліся на невыканане нейкіх умоваў заканадаўства.
На думку лідара АГП Анатоля Лябедзькі, улады папросту пазбягаюць такіх праблемных тэмаў. Яму асабіста адмовілі ў правядзенні пікета ў Мінгарвыканкаме.
Нагадаем, Юрый Захаранка - былы міністр унутраных спраў Беларусі, які падчас выбараў першага прэзідэнта Беларусі ўваходзіў у каманду Аляксандра Лукашэнкі. У 1994-1996 гадах ён кіраваў МУС. Потым перайшоў у апазіцыю да той палітыкі, якую праводзіў Аляксандр Лукашэнка і яго атачэнне. У «ценявым» урадзе Захаранка ўзначаліў камітэт па бяспецы.
Палітыка выкралі невядомыя асобы 7 мая 1999 года вечарам 7 мая ў раёне вуліцы Магілёўскай у Мінску па дарозе дадому.Сям'я Захаранкі атрымала палітычны прытулак у Германіі. Абставіны знікнення апанента Аляксандра Лукашэнкі дагэтуль невядомыя грамадскасці.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт1
Каментары