У Турцыі другі дзень бушуюць масавыя беспарадкі: пачалося ўсё з акцыі эколагаў у парку
У Стамбуле і ў Анкары адбыліся сутыкненні дэманстрантаў з паліцыяй. Беспарадкі ў Турцыі працягваюцца ўжо другі дзень. Паліцыя ўжывае вадамёты і слезацечны газ.
У Стамбуле газ быў ужыты супраць шматтысячнага натоўпу, які спрабаваў перайсці праз Басфорскі мост і выйсці да галоўнай плошчы горада.
На вуліцы выйшлі 40 тыс. чалавек, стаў гарадскі транспарт.
У Стамбул для падаўлення беспарадкаў перакідваюцца дадатковыя падраздзяленні паліцыі нават з такіх аддаленых месцаў краіны, як Анталія. Пратэстоўцы закідваюць вартавых парадку камянямі і бутэлькамі з запальнай сумессю.
У Анкары ўдзельнікі акцыі, якую яны назвалі «Маршам салідарнасці», распачалі спробу пайсці на будынак парламента, скандуючы «Супраціў паўсюль, усюды Таксім».
Тое, што пачыналася як акцыя эколагаў мясцовага значэння перарастае ў агульнанацыянальны антыўрадавы пратэст.
Напярэдадні ў выніку разгону дэманстрацыі дзясяткі чалавек атрымалі траўмы і больш за 60 былі затрыманыя.
Пачалося ўсё з мірнай чатырохдзённай акцыі ў парку Гезі ў цэнтры Стамбула, удзельнікі якой выказвалі нязгоду з планамі рэканструкцыі гэтай часткі плошчы Таксім.
Стамбульскі суд прыняў рашэнне часова прыпыніць рэканструкцыю, бо працы руйнуюць карані дрэў парку.
Праціўнікі плана прэм’
Прэм’ер ж заявіў, што рэканструкцыя плошчы праводзіцца з мэтай разгрузіць рух аўтамабіляў і транспарту, і ён не мае намеру адмаўляцца ад гэтага плана.
Пратэсты супраць будоўлі хутка выліліся ў незадаволенасць усёй палітыкай турэцкага прэм’ера і кіруючай Партыі справядлівасці і развіцця.
Выступы дакаціліся таксама да гарадоў Бодрум і Ізмір.
Разведка ЗША: Беларусь стала перадавым вайсковым плацдармам Расіі24
Каментары