Супрацоўнікі крымінальнага вышуку Маскоўскага РУУС Мінска затрымалі 27-гадовую раней судзімую жыхарку горада Жодзіна. Яна падазраецца ў крадзяжы трох залатых ювелірных вырабаў ў 24-гадовага мінчука,— паведамляе прэс-служба мінскай міліцыі.
Дзяўчына пазнаёмілася з маладым чалавекам у кавярні, той прапанаваў працягнуць вечар у сябе ў гасцях (па вуліцы Карла Лібкнехта). Як вядзецца, па прыходзе на кватэру спачатку выпілі.
Пасля застолля гаспадар заснуў, а госця, уважліва вывучыўшы начынне кватэры, узяла тры залатыя ювелірныя вырабы, камплект пасцельнай бялізны і... пайшла.
Хлопец прачнуўся, пабачыў, што яго абакралі,і патэлефанаваў у міліцыю. Дзяўчыну хутка злавілі, у дачыненні да яе заведзена крымінальная справа (ч.2 арт.205 Крымінальнага кодэкса — «Крадзеж»).
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай15
Каментары